CAPITOL PARK AND LAGOON MAGA BUKAS NA SA SABADO

Share on facebook
Share on google
Share on pinterest
Share on twitter
Share on print

“Walking, kag jogging” lamang ang tugutan sa sulod sang Provincial Capitol Park and Lagoon, sa liwat nga pagbukas sini sa Sabado Nobyembre 7.

Ini ang ginpahayag ni Provincial Safety and Security Division Head Renelo Lastierre sa interview sang Aksyon Radyo Bacolod.

Suno kay Lastierre, pagalimitahan man sa tatlo ka persona ang group exercises , kabahin sa istrikto nga pagpatuman sang health protocols kontra sa Covid-19.

Dugang pa ni Lastierre, magaumpisa ang pagbukas alas 4 sang kaagahon tubtub alas 9 sang gab-i.

Nasaad man sa protocols nga 50 lamang ka mga tawo ang pwede nga makasulod sa park.

Antis makasulod, kinahanglan man nga magpakuha sang temperatura, maglista sang ngalan, maghugas sang kamot, magsuksuk sang face mask kag face shields.

Ginadumilian man ang mga events kag parties, samtang ang mga nagaedad 18 tubtub 65 anyos lamang ang pwede nga makasulod.

Temporaryo nga ginpasirad-an ang lagoon sadtong Marso, agud malikawan ang mass gatherings nga posible halinan sa paglapta sang Covid-19. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.