CAFGU PATAY MATAPOS GIN BUNO SA SULOD SANG DETACHMENT

Share on facebook
Share on google
Share on pinterest
Share on twitter
Share on print

Patay ang isa ka miyembro sang Civilian Armed Forces Geographical Unit ukon CAFGU, matapos ginbuno sang kaupod sini sa sulod sang Yning Detachment, Barangay San Pablo, banwa sang Manapla mga las 8:15 kagab-i, Lunes.

Ang napatay ginkilala kay Joseph Claro, 41 anyos nagapuyo sa amo nga lugar, samtang ang suspetsado ginkilala naman kay Noel Garcia, 30 anyos nagapuyo sa Had. Minoro, Barangay 14, syudad sang Victorias.

Suno kay PCapt. Jaynick Bermudez, hepe sang Manapla PNP, nagsunloganay sanday Claro kag Garcia, apang posible napikon ang suspetsado kag gilayon ginbuno ang biktima.

Ginhingagaw pa dala sa Teresita Jalandoni Provincial Hospital sa Syudad sang Silay, apang gindeklara nga patay sang attending physician.

Dugang ni Bermudez, gina-usisa nila ang alegasyon nga naka-inom sang makahulobog nga ilimnon ang duha, bangud wala pa man sang may nakita nga ebidensya.

Nagsungka naman ang suspetsado martes sang aga kag ginahulat pa sang otoridad kun may planu magpasaka sang kaso ang pamilya sang napatay. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.