Duha (2) ka buhi nga manok kag pulo (10) ka kilo nga bugas ang ginpanagtag sa mga pamilya nga wala malakip sa listahan sang mga benepisyaryo sang Social Amelioration Program sa syudad sang Cadiz, Negros Occidental.
Ini ang napatigayon paagi kay Mayor Salvador Escalante Jr.
Sa record sang Provincial Social Welfare and Development Office, ang syudad sang Cadiz ang may 23,896 ka mga pamilya nga benepisyaryo sang SAP nga ginsugdan sa pagpanagtag sang Abril 18, 2020.
Una nga gin apelar sang Department of Social Welfare and Development sa mga opisyal sang local government units , nga magpangita sang pamaagi agud mahatagan sang bulig ang ila mga pumuluyo nga wala malakip sa emergency cash subsidy program sang gobyerno, sa tion sang COVID-19 pandemic crisis. | Aksyon Marlon Genovea