CADIZ LIWAT NGA MAGA BATON SANG LSI UMPISA DISYEMBRE 1

Share on facebook
Share on google
Share on pinterest
Share on twitter
Share on print

Umpisa bwas Desyembre 1, 2020, balik sa pagbaton sang mga Locally Stranded Individuals (LSIs) ang syudad sang Cadiz, Negros Occidental.

Suno kay Cadiz City Mayor Salvador Escalante Jr., tubtub na lamang subong Nobyembre 30, 2020, ang 16 ka adlaw nga suspensyon sa pagbaton sang mga LSI sa syudad, nga gin-aprobahan sang Regional Inter-Agency Task Force for the Management of Emerging Infectious Diseases, Region VI Western Visayas.

Una nga nag-request sang moratorium ang Cadiz sa pagbaton sang mga LSIs, agud mahatagan sang panahon nga maplastar sang maayo ang quarantine facilities.

Ang Cadiz ang isa lamang sa mga lugar sa Negros Occidental nga ginahamtangan sang Provincial Healing Center.

Ini amo ang St. Andrew’s Park Place sa Barangay Tinampaan nga sa karon may 30 na lamang ka mga gina quarantine. Sa karon ang Cadiz ang may 49 ka mga active cases sang Covid-19. | Aksyon Marlon Genovea

MAG-LOLO PILASON MATAPOS NABUNGGUAN SANG MOTORSIKLO

Pilason ang mag-lolo matapos nabunggoan ang ila ginasakyan nga trisikol sang motorsiklo sa Economic Highway sakop sang Barangay Cabug syudad sang Bacolod, kagab-i, Dominggo.

Ginbunggo-an sang motorsiklo nga ginamaniho ni Rirzard Bionat, 31 anyos sang Deca Homes Barangay Cabug ang trisikol nga ginadala ni Elmer Delgado, 56 anyos sang Purok AC-Yulo Barangay Sum-ag syudad sang Bacolod.

Upod ni Delgado sa trisikol ang iya apo nga si Kheite Gerence Petalla nga naka-angkon sang minor injury.

Gindala sa Corazon Locsin Montelibano Memorial Regional Hospital si Delgado upod sang iya apo nga si Petallar.

Naka-angkon man sang pilaso si Bionat matapos matumba sa ginasakyan niya nga Honda Scooter.

Suno kay Police Corporal Roland Abong, traffic investigator sang Police Station 9 nakasangit sa likod sang trisikol ang motorsiklo ni Bionat rason sang aksidente. | Aksyon Eric Magbanua

MAAKOMODAR SA BOSS NAGSAKA SA 500 KADA ADLAW

Nagsaka na sa 500 ka mga tawo ang ma akomodar sang Bacolod Permits and Licensing Office (PLO) sa nagapadayon nga Business One Stop Shop sa Ayala Malls Capitol Central.

Suno kay Stela Rose Rayos, pamuno sang PLO, nagligad nga Enero 11 sang ila ginpasakaan ang numero sang mga kliyente nga nagaproseso sang business permit humalin sa 300 pakadto sa 500.

Dugang pa ni Rayos, sa karon, wala sang mga mayor nga reklamo nga nabaton ang ila talatapan sa nagapadayon nga aktibidad.

Nagpasiguro man si Rayos nga istrikto man nga ginamonitor ang attendance sang mga Barangay sa BOSS para sa pagisyu sang Barangay Clearance.

Tinalikdan nga Biernes, may pito ka mga Barangay nga wala sang tiglawas sa BOSS.

Nagapakita man sa datus sang PLO, nga mas madamo ang nagapa appointment walk-in sa Ayala Mall kag Bacolod Government Center ikomparar sa Online.

May yara na sang 10, 750 ang narehistro nga Negosyo sa Bacolod tubtob Enero 15.

Ang BOSS ang magalawig tubtob Marso 31, 2021. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.