CADIZ LGU NAG TANYAG SANG FREE QUARANTINE SA MGA CADIZNON OFWs SA ST. ANDREW’S PARK PLACE

Share on facebook
Share on google
Share on pinterest
Share on twitter
Share on print

Ginpangabay ni Mayor Salvador Escalante Jr. ang mga Cadiznon returning Overseas Filipino Workers (OFWs), nga magpaidalom sa quarantine kun mag-abot na sa syudad.

Sa open letter sang alkalde, iya ginpahayag nga luyag lamang niya masiguro ang kaluwasan sang mga returning OFWs kag mga pamilya sini, sa peligro sang Covid-19.

Dugang pa ni Escalante, may gintalana nga Healing Center ang syudad sa St. Andrew’s Park Place Barangay Tinampa-an nga serbe bilang quarantine area, libre kag may nagakaigo nga suplay sang mga kinahanglanon.

Apang ginklaro sang alkalde, nga pwede sa gihapon nga mag home quarantine ang mga returning Cadiznon, basta ipasiguro lamang sang mga ini nga ginatuman ang strict isolation.

Una nga nagpaguwa sang bag-o nga pagsulundan ang NIATF nga pwede na makadiretso sa 14 ka adlaw nga home quarantine ang mga returning OFWs kag ROFs, nga negatibo sa RT-PCR test. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.