CADIZ CITY EMERGENCY CLINIC MAGA SIRA SANG TATLO KA ADLAW PARA SA DISINFECTION

Share on facebook
Share on google
Share on pinterest
Share on twitter
Share on print

Gin anunsiyo ni Dra. Ma. Victoria Ibañez, City Health officer sa syudad sang Cadiz nga tatlo ka adlaw maga sira ang Cadiz City Emergency Clinic tungod magapatigayun sang disinfection sa pasilidad umpisa subong nga adlaw, Lunes.

Suno kay Ibañez, may gindala nga pasyente nga suspected case sang COVID-19 kag dead on arrival sang mag-abot rason nga kinahanglan sang health authorities sa Emegency clinic nga maghimo sang tikang bilang precautionary measures.

Dugang pa ni Ibañez, may ika-duha nga kaso nga nagabatyag sang hapo kag wala sang pamilya nga nagabantay sa diin, expose man ang personnel sang clinic.

Ginpasiguro ni Ibañez nga gin-quarantine kag ginpaidalum sa swab test ang tanan nga empleyado bilang tikang sa himuon nga mga procedure sa paghibalo kon sanday sin-o ang may direkta nga naka-close contact sa duha ka pasyente.

Samtang, nag pangabay si Escalante City Mayor Salvador Escalante Jr. sa provincial molecular laboratory nga mapadasig ang pagpagwa sang resulta sa swab test sang mga personnel kag sang napatay nga suspected case sang COVID-19. | Aksyon Roger Gutib, Aksyon Ann Defensor

MORE STORIES:

LIKE US ON FB

error: Ooops... You are not authorized to copy this content.