(adsbygoogle = window.adsbygoogle || []).push({});

BYAHE SANG RORO KAG FASTCRAFT SUSPENDIDO TUBTOB MAYO 31

Share on facebook
Share on google
Share on pinterest
Share on twitter
Share on print

Ginkumpirmar ni Maritime Industry Authority (MARINA) Regional Director Engr. Jose Venancio Vero nga suspendido ang byahe sang roll-on, roll-off (RORO) kag fastcraft gikan Bacolod padulong Iloilo vice versa.

Suno kay Vero, nakabaton sila sang sulat gikan kay Bacolod Mayor Evelio Leonardia kag Negros Occidental Governor Eugenio Jose Lacson nga nagapangabay nga ipa-isol ang byahe tubtob Mayo 31.

Dugang pa ni Vero, iya ginpadangat ang nasambit nga concern sa mga operators kag nagpalayag nga posible indi pa handa magbaton ang Bacolod sang mga pasahero gikan sa Iloilo sa pihak nga napaidalom man ini sa General Community Quarantine.

Natalana pa nga liwat mag-istorya si Vero kay Leonardia agud istoryahan ang nasambit nga concern.

Gin-abisuhan man ni Weesam operator nga si Frank Carbon ang mga nagaplano nga magbyahe padulong sa Iloilo nga indi magkadto sa port sa Lunes ukon Martes bangud nagahulat pa sila sang special permit nga aprubahan sang MARINA. | Aksyon Eden Aboso

MORE STORIES: