SECTIONS

Today is:

BYAHE SANG FASTCRAFT KAG RORO KANSELADO

Share on facebook
Share on google
Share on pinterest
Share on twitter
Share on print

KANSELADO na ang tanan nga byahe sang mga dalagko kag magagmay nga sakayan pandagat sa halos tanan nga puerto sa palibot sang probinsya.

Suno kay Lt. Commander Lodevico Lebrilla, Station Commander sang Philippine Coastguard Bacolod, kagab-e pa nagpagwa sang advisory ang Philippine Coast Guard Iloilo nga indi pagpahanugutan nga makabyahe ang mga fast craft nga gikan sa Iloilo padulong Bacolod.

Takna las 7 naman sini nga aga sang ginkanselar man sang Coast Guard ang byahe sang tanan nga roll-on roll-off vessels (Roro).

Sa monitoring sang Coast Guard wala sang maritime incidents nga natabo sa palibot sang Probinsya.

Nagpahanumdum naman si Lodevico sa mga mananagat nga ipaiway ang pagpalawod agud malikawan ang disgrasya.

Pagpahayag naman ni Petty Officer 1 First Class Louie Campaner, Commander sang BREDCO Port Coast Guard Sub Station, wala sang nastranded sa BREDCO Port karun nga aga.

Nahibaloan nga ginpapaidalom na sa gale warning ang Negros Occidental umpisa pa kahapon.

Nagapabilin man sa gihapon nga hightened alert ang Philippine Coastguard.

MORE STORIES:

ANU ANG IMO MA KOMENTO?