Gin anunsiyo ni Iloilo City Mayor Jerry Treñas nga iya temporaryo nga suspendihon ang biyahe halin syudad sang Iloilo pakadtu sa syudad sang Bacolod kag vice versa umpisa subong nga adlaw lunes.
Sa Facebook post sang alkalde, ila ginkasugtanan sa pagsapol upod ang CDRRMO kag Regional IAFT ang nasambit nga desisyun bangud sa padayun nga pagsaka sang kaso sa syudad sang Bacolod.
Dugang pa, isa man ini sa talakayon liwat nga isyu sang Regional IAFT subong nga adlaw.
Samtang, indi apektado sang suspension ang movement sang goods kag shipment sang cargo.
