BTAO: BARRIER SA MOTORSIKLO DAPAT NAKA INSTALL NA SA AGUSTO 1 PARA SA MAG-ASAWA UKON MAG LIVE-IN PARTNERS

Share on facebook
Share on google
Share on pinterest
Share on twitter
Share on print
(BTAO FB Photo)

Umpisa Agusto 1 istrikto nga ipatuman sang Bacolod Traffic Authority Office ukon BTAO ang pag dakop sa mga naga angkasanay nga mag-asawa ukon mag live-in partner nga wala sang barrier ang motorsiklo.

Suno kay Lt. Col. Luisito Acebuche, pamuno sang BTAO, liwat nga gin paisol sang gobyerno nasyunal ang pagpatuman sang sini nga polisa kasunod nga madamo sa gihapon ang wala nag install sang barrier.

Dugang pa ni Acebuche, base sa iya impormasyon, wala pa sang motorsiklo sa syudad nga naka-install na sang barrier.

Suno sa BTAO, indi naman kinahanglan nga mag install sang barrier sa motor kon wala man lang sang angkas.

Sa karon Suno kay Acebuche, padayun ang ila pag dakop sa mga naga angkasanay nga wala sang may mapakita nga dokumento ukon barangay certificate nga naga pamatuod nga sila ang mag-asawa ukon mag live-in partner.

Pinakaulihe nga nadakpan sang BTAO ang 16 ka mga naga angkasanay kahapon nga adlaw, Hulyo 27, ukon sa kabug-usan nag dangat na sa 166 ang nadakpan sa syudad.

Ang multa ang naga umpisa sa 500 pesos tubtob 1,500 pesos.

Samtang, nag pahanumdom man si Acebuche nga padayun man ang ila pagpatuman sang riding-in-tandem ordinance sang syudad umpisa las 9 sang gab-i tubtob las 4 sang kaagahon.

Sa amo nga ordinansa, gina dilian ang angkasanay, mag luwas na lamang kon magkadto sa trabaho ukon sa tion sang emerhensya. | Aksyon Dale Salazar

MORE STORIES:

error: Ooops... You are not authorized to copy this content.