BRGYS 9 KAG VILLAMONTE MAY PINAKADAMO RESIDENTE NGA NAG BAYOLAR SANG HEALTH PROTOCOL

Share on facebook
Share on google
Share on pinterest
Share on twitter
Share on print

Nagpanguna ang Barangay 9 kag Villamonte sa syudad sang Bacolod nga may pinakadamo nga nadakpan nga mga persona nga wala nagasuksok sang face masks sa idalum sang GCQ humalin Mayo 16 tubtob Mayo 20.

Sa record sang Bacolod City Police Office (BCPO), may tag 58 ka mga persona nga wala nagasuksok sang face masks ang nadakpan sa Barangays 9 kag Villamonte.

Nagasunod ang Barangay Bata nga may 22; Barangay Granada nga may 20; Barangay Sum-ag nga may 16; Barangay Mandalagan kag Vista Alegre nga may tag 15 kag Barangay 1 kag Banago nga pareho nga may tag 14.

Sa kabug-usan nagdangat naman sa 365 ka mga persona ang nadakpan sa Bacolod nga wala nagasuksok sang face masks.

Pinakadamo nga may nadakpan ang Police Station 4 kag Bacolod City Mobile Force Company (BCMFC) nga may tag 65 ka mga na-aresto.

Samtang, nagpanguna naman ang Barangay 2 sa may pinakadamo nga nadakpan nga wala nagasunod sa social distancing nga may 15, sunod ang Barangay Banago nga may pito, kag Barangay Villamonte nga may lima.

Suno kay BCPO Operations Division Head Police Lt. Col. Lester Leada, indi tanan nga mga nadakpan ang residente sang mga natungdan nga barangay kag may pila naman ang nag bisita lamang ukon may personal nga transakyon.

Pagpaathag ni Leada, ang hugot nga implementasyon ang nagsugod sang Mayo 18 kun sa diin nakit-an ang tuman ka damo nga tawo. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.