BRGY TANOD PATAY MATAPOS GIN TIRO SA BANWA SANG CAUAYAN

Share on facebook
Share on google
Share on pinterest
Share on twitter
Share on print
(Cauayan PNP Photo)

Patay ang anay miyembro sang Civilian Home Defense Forces ukon CHDF, matapos luthangon sa Purok 3, Sitio Mambato, Barangay Camalanda-an, banwa sang Cauayan, kaina sang aga, Hulyo 23.

Ang biktima ginkilala kay Julie Casumpang, 60 anyos kag nagapuyo sa amo man nga lugar.

Suno kay PMaj Lowell Garinganao, hepe sang Cauayan PNP, si Casumpang ang nagalawig kun tani sang iya karabao sang bantayan sang tatlo ka tawo kag ginluthang.

Dugang ni Garinganao, tatlo ka pilas ang naagum sang biktima gamit ang malagba nga nga armas luthang kaangay sang M16 riffle kag M14.

Palayag pa sang hepe, base sa panugdaon sang pamilya, wala man sang kontra ang biktima sa ila Barangay.

Aktibo man nga Barangay tanod ang napatay, ilabi na nga nagatutok ini batok sa insurhensya sa ila lugar.

Pila ka motibo nga ginalantaw sang otoridad, amo ang pagka-CHDF kag pagka Tanod sini kag posible New People’s Army ukon NPA ang mga suspetsado.

Ipadalum sa autopsy ang lawas sang bankay para sa husto nga proseso. | Aksyon Bryan Morden

PANGABAY NI CONG GASATAYA NGA DUGANG NGA SENIOR CITIZENS NGA MAKABENEPISYO SANG SOCIAL PENSION, VERIFIED NA SG DSWD

Na-verified na sang Department of Social Welfare and Development (DSWD) ang request ni Bacolod Lone District Congressman Greg Gasataya nga dugang nga senior citizens nga makabenepisyo sang social pension.

Sa interview sa Aksyon Hotline, ginpahayag ni Gasataya nga sa karun 2,700 lamang ang existing nga benepisyaryo sang social pension sa Bacolod. Ang mga nasambit nga pensioners ang wala gid sang may ginabaton nga anu man nga pension kaangay sang SSS, GSIS kag iban pa.

Suno kay Gasataya, 4,000 ka mga senior citizens ang nadugang sa listahan sa diin beripikado na man ini sang DSWD.

Nahibaloan, ang nasambit nga mga pensioners ang nagabaton sang P500.00 kada bulan gikan sa DSWD.

Dugang pa ni Gasataya, may gin-file na man nga hagna nga nagapadugang sang social pension apang sa karun pending pa ini sa kamara.

TATLO KA MGA OPISYAL NGA NAKATUPAD NI GOV LACSON SA ANTI DRUG SUMMIT, NEGATIBO SA COVID-19

Negatibo sa Covid-19 ang tatlo ka mga opisyal nga nakatupad ni Governor Bong Lacson sa Provincial Anti-Drug Summit syudad sang Bacolod sang Biyernes Enero 22, 2021.

Ini ang gin anunsiyo sang gobernador subong nga adlaw, kasunod sang iya pagpa swab test sa Teresita L. Jalandoni Provincial Hospital sa syudad sang Silay.

Ang tatlo amo sanday DILG Negros Occidental OIC Provincial Dir. Roselyn Quintana, Asst. Reg’l. Dir. Maria Calpiza Sardua, kag Liga ng mga Barangay Pres. kag Neg. Occ. Board Member Juvy Pepello. 

Sila kag si Lacson ang kalakip sa mga opisyal nga close contacts sang DILG Iloilo official nga nagpositibo sa Covid-19 kag nagtambong man sa summit.

Suno sa gobernador, mahibaluan ang resulta sang iya swab test karon sa gab-i kag nagalaom nga magnegatibo agud makabalik sa gilayon sa pagreport sa kapitolyo probinsiyal.

Dako ang pagsalig ni Lacson nga siya ang mag negatibo, bangud wala man sang sintomas nga ginabatyag.

Si Lacson ang nagpaidalom sa self-isolation umpisa kahapon Enero 26.

MORE STORIES:

LIKE US ON FB

error: Ooops... You are not authorized to copy this content.