Nadugangan sang anum ka bag-o nga Covid-19 cases ang Barangay Sum-ag, syudad sang Bacolod subong nga adlaw, Sabado.
Suno kay Punong Barangay Rodney Carmona, subong nga adlaw sang gin pabalo siya sang Bacolod CHO nga may dugang nga anum ka tawo nga residente sang iya lugar ang nag positibo sa masakit.
Dugang pa ni Carmona, ang duha ka mga kaso ang gikan sa Purok Kasanagan, duha man sa Purok Brotherhood, isa sa Purok Mahigugma-on kag isa sa Purok Fiesa Homes.
Suno sa Kapitan, base sa iya nga impormasyon, lakip sa nag positibo ang social worker nga assign sa Corazon Locsin Montelibano Memorial Regional Hospital nga residente sang Purok Mahigugma-on nga nag resulta sa pag sealed-off sang kapin lima ka mga balay.
Iban sa bag-o nga nag positibo ang close-contact sang una nga Covid-19 positive sa Barangay.
Bangud sini, nag saka na sa 21 ang confirmed Covid-19 cases sa Brgy. Sum-ag, isa dire ang naka recover kag 20 ang active cases.
Samtang, wala pa naka gwa ang resulta sang swab test ni Carmona.