BRGY KAGAWAD PATAY MATAPOS GIN TIRO SANG RIDING-IN-TANDEM SUSPECTS

Share on facebook
Share on google
Share on pinterest
Share on twitter
Share on print

Dead on the spot ang isa ka Barangay Kagawad matapos ginluthang sa Broce St., Brgy. 4, syudad sang San Carlos las 5:35 sang aga, Hunyo 17.

Ang kagawad nga napatay ang ginkilala kay Novo de Ocampo, isa ka negosyante.

Suno kay P/Maj. Mark Junco hepe sang San Carlos City PNP, nagahana na kuntane nga magsakay ang biktima sa iya salakyan kaupod ang iya asawa kag anak nga lalaki sang ginluthang sang riding-in-tandem suspects.

Suno sa mga saksi, nagdalagan pa ang biktima pasulod sa iya building nga ginapatukod apang ginlagas sang mga suspek samtang ginaluthang.

Sang natumba na si de Ocampo, liwat pa ini nga ginluthang sang isa sa mga suspek nga amu ang gintunaan sang iya gilayon nga kamatayon.

Nakuha sa lugar sang insidente ang lima ka basiyo sang kalibre 45 nga armas luthang nga amu ang ginapatihan gingamit sang mga suspek sa krimen.

Padayun ang imbestigasyon sang kapulisan sa motibo sang krimen.

MORE STORIES:

LIKE US ON FB

error: Ooops... You are not authorized to copy this content.