BRGY KAGAWAD KAG DUHA KA IBAN PA NAG POSITIBO SA COVID-19 SA BRGY. 14, BACOLOD CITY

Share on facebook
Share on google
Share on pinterest
Share on twitter
Share on print

Nag positibo sa Covid-19 ang isa ka lalaki nga Barangay Kagawad, ang iya utod nga babaye kag isa ka empleyado sang syudad sa Purok Ramon Magsaysay, Brgy. 14, syudad sang Bacolod.

Sa interview sang Aksyon Radyo, gin pahayag ni Kapitan Karl John Magno, ang tatlo nga nag positibo ang wala sang travel history kag indi man mga LSIs.

Suno kay Magno, tinalikdan nga semana sang na-admit na sa hospital ang Kagawad kag ang iya utod nga naga trabaho bilang attendant sa isa ka hospital antes nag gwa kahapon, Domingo, ang resulta nga positibo sila sa Covid-19.

Hulyo 24 sang gin admit ang Kagawad sa hospital matapos nga gin trangkaso.

Ang kagawad ang naga trabaho man bilang broker sang mga alahas.

Nasaylo na kaina sang hapon ang kapin 7 ka mga himata sang mag utod sa isa ka quarantine facility.

Dugang pa ni Magno, subong nga adlaw, Lunes, nag gwa ang resulta nga positibo man sa infection ang 64 anyos nga lalaki nga naga trabaho sa Public Order Safety Office (POSO) kag na assign sa BAYS Center.

Suno kay Magno, base sa interview sa empleyado, naka trabaho pa ini pagkatapos nga nakuhaan sang swab specimen pero wala sang sintomas nga gina batyag.

Sa inisyal nga datus ni Magno, kapin 30 ka mga balay nga sementado ang ipaidalum sa lockdown sa sulod sang 14 dias.

Natalana nga i-disinfect ang Barangay Hall sang Barangay 14 kag maga paidalum man sa swab test ang Barangay Council.

Padayun sa karon ang contact tracing sang otoridad. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.