BRGY KAGAWAD KAG 19 ANYOS ANYOS NGA LALAKI PATAY SANG NAG BUNGGUANAY ANG DUHA KA MOTORSIKLO

Share on facebook
Share on google
Share on pinterest
Share on twitter
Share on print

Patay ang duha ka motorcycle riders matapos nagbungguanay ang duha ka motorsiklo sa Sitio Plasanon, Barangay Salong, syudad sang Kabankalan takna las 8 sang aga, Sabado.

Ang mga biktima ginkilala kanday Larry Jalapa, 53 anyos isa ka Brgy Kagawad sang Brgy Inapoy kag Ferdinand Tanguar, 19 anyos nagapuyo sa Brgy. 2 sa amo nga syudad.

Sa inisyal nga pagpangusisa ni Police staff Sgt. Rene Tuazon, traffic investigator sang Kabankalan City PNP, si Jalapa ang sakay sa iya motorsiklo halin sa Barangay Inapoy pakadto kuntani sa City Proper samtang si Tanguar ang halin sa syudad pataklad sang natabo ang pag bungguanay sa Brgy. Salong.

Suno kay Tuazon, parehas nga madasig ang pagpadalagan sang motosiklo sang duha ka biktima kag wala na nila ini na maneuver sang nag bungguanay.

Gin dala ang mga biktima sa Kabankalan District Hospital apang napatay samtang ginabulong matapos nakaangkon sang malubha nga pilas.

MORE STORIES:

LIKE US ON FB

error: Ooops... You are not authorized to copy this content.