Naka save ang Barangay Banago sang 161, 210 pesos matapos nga gin panubuan ang budget nga gin pain para pagkaon sang mabulig sa pag hatag sang ikaduha nga tranche sang Social Amelioration Program humalin sa 232, 050 pakadto sa 70, 840 pesos.
Suno kay Kagawad Arlo Acebedo Jr., nag patawag si Punong Barangay Ricky Mijares sang emergency session kaina sang hapon, Hunyo 25 kag gin kasugtan nga 70,840 pesos ang ipain nga pondo para sa pagkaon sa SAP distribution.
Humalin sa tatlo ka adlaw nga SAP distribution, ini ang gin himo nga duha na lamang ka adlaw kag humalin sa 192 nga maga bulig, ini ang gin panubuan sa 54.
Dugang pa ni Acebedo, gin kasugtan sa session nga wala na sang baklon nga lechon, pasayan, tatlo ka sako nga bugas, prutas kag iban pa.
Gin kalipay ni Acebedo nga gin adjust sang Barangay ang pondo ilabi na nga may ginapangatubang sa karon nga pandemya.
Sa una nga tranche sang SAP, suno kay Acebedo, ang Banago ang nag pain sang 150,000 nga pondo para sa pagkaon.
Una nga gin pahayag ni Acebedo nga sadtong Lunes nga adlaw gin aprubahan na ang amo nga proposal sa session pero gin pahayag ni Kapitan Mijares nga budget proposal pa lamang ini. | Aksyon Dale Salazar