“BPLO ON-THE-GO” NGA MALL CAMPAIGN NAG UMPISA NA SUBONG NGA ADLAW

Share on facebook
Share on google
Share on pinterest
Share on twitter
Share on print

Gin anunsyo ni Mayor Evelio Leonardia nga ang Business Permits and License Office ukon BPLO ang maga patigayon sang mall campaign nga “BPLO On-The-Go” para buligan ang mga negosyo nga mag preparar antes ang pag proseso sang ila 2021 business permits.

Sa statement, gin pahayag ni Leonardia, tuyo sang syudad nga mapahapos ang pag pakigangut sang mga negosyo sa LGU para sila ang mabuligan kag mapadasig ang economic recovery program sang syudad.

Suno kay Stela Rose Rayos, pamuno sang BPLO, maga set-up ang ila talatapan sang help desk sa mga mall para mag sabat sa mga paamangkot angut sa business permits kag mag hatag sang application forms para sa 2021 busoness permits para sa mga may dala nga photocopy sang ila 2020 business permit.

Ang BPLO ang yara sa SM City, Ayala Malls Capitol Central kag Robinsons Place sa Nobiembre 18, 19 kag 20, Gaisano City, 888 kag City Mall-Singcang sa Nobiembre 24, 24, kag 25, kag City Mall – Mandalagan, Lopue’s Mandalagan kag Lopue’s East sa Nobiembre 26, 27 kag 30.

SIKAT NGA SUBA SA KAPITAN RAMON, SILAY CITY TEMPORARYO NGA GINPASIRA

(Lexplorations PH FB Page | Algene Bacotod Photo)

Temporaryo nga ginpasira sang LGU sang syudad sang Silay ang suba sa mga pangayaw sa Sitio Lupa, Barangay Kapitan Ramon, Silay bilang precautionary measure kontra Covid-19.

Sa interview sang Aksyon Radyo, ginpahayag ni Silay Mayor Mark Golez, ang ini nga tikang nag base man sa ordinansa sang syudad nga nagadumili sa mass gathering ukon pagtililipon.

Dugang pa ni Golez, ini ang inisyatibo man sang syudad kasunod nga narecord ang anum ka Covid-19 cases sa Kapitan Ramon bisan nga malayo na ini nga lugar.

Subong nga adlaw, Sabado, Mayo 8, sang nag umpisa ang temporary closure sang suba.

Base sa impormasyon ni Golez, 2 mil tubtob 3 mil ka mga tawo ang nagapadulong sa lugar kag iban sa ila ang gikan pa sa Kabankalan kag San Carlos.

Ginpahayag sang Alkalde, nga iya na gintugyanan ang Silay PNP nga magpahamtang sang checkpoint sa dalan padulong sa suba.

DUHA PILASON SA INSIDENTE SANG PAGPANGLABU SA CALATRAVA

Ginabulong karon sa San Carlos City Hospital ang 56 anyos nga amay matapos ginlabu sang mag-utod las 10:15 kagab-i sa Sitio Atabay, Barangay San Isidro, banwa sang Calatrava.

Ang biktima ginkilala kay Francisco Boliboli samtang ang mga suspek amo sanday Felipe Retable ,60 anyos, kag manghod sini nga si Bobby, 47 anyos, lunsay  residente sang amo nga lugar.

Sa inisyal nga pagpangusisa ni PMaj. Roberto Indiape, bangod gid lamang sa sa personal nga away kag kutsukutso, ginsulong sang mag-utod ang biktima ginbuno  kag ginlabu. 

Si Boliboli ang nakaangkon sang pilas sa likod sang lawas kag butkon.

Sa amo nga insidente, nakita ni Atellano Jorolan (umagad sang biktima) nga ginalabu sang mag utod ang  iya ugangan,  nagkuha man ini sang binangon kag ginlabu si Ratable.

Una nga gindala si Boliboli sa Calatrava District Hospital kag gilayon ginforward sa San Carlos City Hospital samtang si Ratable ang ginabulong sa Corazon Locsin Montelibano Memorial Regional Hospital.

Sa follow-up opreration sang kapulisan, nadakpan si Bobby samtang si Felipe ang buluntaryo nga nagsurender sa mga otoridad. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.