BORDER CLOSURE SA NEGROS ISLAND, MAGAPADAYON

Share on facebook
Share on google
Share on pinterest
Share on twitter
Share on print

Magapadayon ang pagsira sa mga border sang Negros Occidental kag Oriental agud mapunggan ang dugang nga paglapta sang novel coronavirus ukon COVID-19.

Ini ang ginpahayag ni Negros Occidental Governor Bong Lacson, matapos ang zoom meeting nga iya ginpatigayon sa mga alkalde sang probinsiya subong nga adlaw.

Suno kay Lacson, ini ang ila nadesisyonan bangud madamo sa gihapon sang Covid-19 active cases sa Negros Oriental. Dugang pa sang gobernador, magalawig ang pagsira tubtub nga maghagan hagan ang nabilin nga mga kaso sa bug-os nga isla sang Negros.

Ang plano nga pagbukas sa borders sang duha ka probinsiya ang isa sa mga gintalakay sa virtual meeting nga ginpatawag ni Lacson.

Sa record sang Negros Oriental tubtob Enero 12, 2021, ini ang may 207 ka mga active cases, samtang 109 naman sa Negros Occidental “as of January 11, 2021”.

Marso 2020 sang umpisahan ang pagpasira sa Negros Island borders, agud mapasiguro ang kaluwasan sang mga pumuluyo kag mapunggan ang paglapta sang Covid-19. | Aksyon Marlon Genovea

LALAKI, PATAY SANG GINALEGAR NAGBATO SANG SERBEHAN WARRANT OF ARREST

Patay ang 51 anyos nga lalaki matapos gin alegar nagbatu sa otoridad sa Purok Santa Rita, Brgy. Dulao, syudad sang Bago, Biernes sang gab-i, Enero 22.

Ginkilala ang napatay nga si Emmanuel Sampane, 51, residente sang Purok Michelle, Brgy Dulao sa amo nga syudad. 

Suno kay Col. Roger James Brillantes, tagpamuno sang regional internal affair service, si Sampane ang wanted sa kaso murder, kag madugay na nga nagapanago.

Tuyo sang operatiba nga iserbi ang mandamiento de aresto nga gin-issue ni Judge Alejandro  Marquez sang RTC 4th Judicial Region, Br 79, Morong, Rizal napetsahan Agosto 25, 1998.

Dugang pa ni Brillantes, samtang nagapadulong sa lugar ang mga otoridad upod sa mga katapo sang Anti-Kidnapping Group gikan sa Kampo Crame, NOCPPO PIU,  BCPO CIU kag iban pa nga pulis gikan sa Bago City Police Station, hinali na lamang sila nga ginpalukpan rason nga nagbalos ang operatiba.

Narekober sa lugar sang insedente ang gin-alegar mga armas ni Sampane nga amo ang isa ka .45 caliber pistol, isa ka 9mm pistol nga may 1 ka magazine kag walo ka mga bala, isa ka .38 cal revolver nga may 6 live ammos, isa ka motorsiklo kag iban pa. | Aksyon Alvin Grava

28 KA LSI SA DSB, NEGATIBO SA COVID-19

Nag negatibo sa Covid-19 RT-PCR test ang 28 ka mga Locally Stranded Individuals (LSIs)  nga nagpauli sa  Don Salvador Benedicto Negros Occidental halin sa syudad sang Cebu.

Ini ang gin anunsiyo sang Municipal Inter-Agency Task Force COVID-19  sa  Don Salvador Benedicto  official facebook page paagi kay Mayor Marxlen Dela Cruz.

Bangud sini nagapabilin sa gihapon bilang Covid-19 free municipality ang DSB.

Sa record sang  DSB Local IATF  tubtob January 19, 2021, ang banwa ang may total confirmed cases nga 15 kag lunsay na nga naka rekober.

Ang pagka hilway sang DSB sa aktibo nga kaso sang Covid-19 ang napabilin sa sulod na sang kapin isa ka bulan. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.