Ginkumpirmar ni Negros Occidental Vice Governor Eugenio Jose Lacson nga siya amo na ang kandidato sang ila local political group nga Love Negros sa pagka-gobernador sa 2019 nga eleksyon. Suno kay Lacson, resulta ini sang ila pag-estoryahanay ni Cong. Albee Benitez. Dugang pa ni Lacson, nagdesisyon si Benitez nga magpahuway sa politika apang nagpahayag sa gihapon sang kahandaan sa pagbulig sa mga nagakinahanglan. Suno sa Bise Gobernador, nangin madinalag-on man ang “unification talks” sang Love Negros kag United Negros Alliance sa diin ginkasugtan nga si anay Cong. Jeffrey Ferrer amo ang iya maka tandem bilang Bise Gobernador. Magapatigayon sang pormal nga pag-anunsiyo si Lacson sa katapusan nga bahin sang bulan sang Septiembre.
What’s your Reaction?
+1
+1
+1
+1
+1
+1
+1
