Gin-anunsyo ni American undefeated boxing champion Floyd Mayweather Jr. nga liwat sila nga maga-engkwentruhanay ni Filipino boxing icon Senator Manny Pacquiao karon nga tuig, 2018. Gin-post ni Mayweather sa iya Instagram ang video sa diin makita nga iya ginpabutyag nga halin retirement, magabalik siya sa ring karon nga tuig para liwat nga engkwentruhon si Pacuquaio.
Nagkitaaay ang duha, Mayweather kag Pacquaio sa isa ka event sa Japan. Makita sa video nga nag-estoryahanay ang duha ka boxing champions angut sa posible, liwat nila mga pag-engkwentruhanay. Mabatian pa sa video nga ginhambalan ni Pretty Boy Floyd si Pacman, nga indi siya gusto nga mabatian halin sa Senador nga masakit ang abaga sini. Gin-mentionar pa ni Mayweather nga nagahulat sa iya ang isa na naman kag 9-figure pay. Sa katapusan nila nga away, nagdaug si Mayweather via unanimous decision para sa WBA World super welterweight kag unified WBO and WBC World welterweight belts. Kon liwat sila nga maga-engkwentruhanay ni Pacquaio, ika-tatlo na ini ka beses para sa American boxer nga liwat makig-engkwentro matapos mag-retiro. Samtang, si Pacquaio ang halin sa pag-daug kontra kay Lucas Mathhyssee sang Hulyo.
What’s your Reaction?
+1
+1
+1
+1
+1
+1
+1
