BODY MASS INDEX SANG KAPULISAN SA NOCPPO PADAYUN NGA GINA MONITOR

Share on facebook
Share on google
Share on pinterest
Share on twitter
Share on print

Nagapadayon ang Body Mass Index ukon BMI sa Negros Occidental Police Provincial Office ukon NOCPPO.

Suno kay NOCPPO Deputy Spokesperson PLt Abegael Donasco, wala nag-untat ang exercise sang kapulisan bisan sa panahon pa sang coronavirus ukon COVID-19.

Dugang ni Donasco, ginapatigayon nila ini sa adlaw sang Martes kag Hwebes, agud indi madula ang tinutuyo nga mamintinar sang kapulisan ang iya maayo nga lawas.

Indi man ang direktiba ni NOCPPO Director PCol Romy Palgue sa tanan nga estasyon sang pulis sa probinsya.

Tinalikdan nga adlaw, liwat ginmando ni PNP Chief Major General Debold Sinas nga ibalik kag seryosohon ang BMI makaligad ang pila ka bulan nga nalimtan ini bangud sa kasakuon sa COVID-19.

Luyag ni Sinas nga madula ang obese ukon tambok nga pulis sa iya liderato. | Aksyon Bryan Morden

TAGA SAN CARLOS NGA NAGPANGAYAW BULANG SA CALATRAVA, POSITIBO SA COVID-19

Ginkumpirmar ni San Carlos City Mayor Rene Gustillo nga isa ka lalaki nga nagpamulang sa banwa sang Calatrava ang nagpositibo sa COVID-19.

Sa interview sa Aksyon Firing Line, ginpahayag ni Gustillo nga nadulaan sang panabor ang pasyente rason nga ginpaidalom sa swab test kag naggwa nga positibo sa virus.

Suno kay Gustillo, nagapadayon ang contact tracing sa syudad kag ginapanawagan sang alkalde sa mga nakakadto sa bulangan nga taga-San Carlos nga kon mahimo magpakig-angot sa syudad agod mahibaluan ang kondisyon kag madula ang kabala sa posible paglapta pa sang virus.

Sa karon, yara sa hospital ang pasyente kag limitado pa ang detalyi sang alkalde tungod ginahapo pa kon istoryahon ang nagpositibo nga ginabulubanta naga-edad sang masobra 60 anyos.

MORE STORIES:

LIKE US ON FB

error: Ooops... You are not authorized to copy this content.