Nagaapelar si BJMP Deputy Regional Dir. for Administration JSSupt Gilbert Peremne sa pamilya sang mga bilanggo para sa dugang pa nga pag-intiende sa ila hanay bangod nagapabilin pa sa lockdown ang tagsa ka mga bilangguan sa bug-os nga Western Visayas.
Suno kay Peremne, sa pihak nga may mga pagpamahog pa sa Covid-29, ginpalab-ot naman sang ila ahensya sa BJMP National Task Force ang pangabay sang mga pumoloyo nga kakason na ang pagbawal sa pagbisita sa ila tagsa ka mga himata sa mga jail facilities.
Nagalaum man si Peremne, nga sa tion nga maaprobahan ang ila pangabay, posible ang mga jail facilities nga may malapad nga lugar amo ang mahimo mahatagan tsansa apang magadepende man sa set-up kag pagsulundan sang dalaw ukon bisitasyon sa prisohan. | Aksyon Alvin Grava