BISHOP BUZON NANAWAGAN SANG KOOPERASYON SG PUBLIKO SA MAS ISTRIKTO NGA IMPLEMENTASYON SG HEALTH PROTOCOLS

Share on facebook
Share on google
Share on pinterest
Share on twitter
Share on print

Nanawagan si Bishop Patricio Buzon sang kooperasyon sang publiko sa mga istrikto nga implementasyon sang health protocols nga ginahimo sang government authorities.

Sa homily ni Buzon sa santos nga misa kahapon, dominggo gina engganyo sang Obispo ang publiko nga seryosohon ang sitwasyon sa karon nga nadulot sang COVID-19 pandemic.

Suno kay Buzon, seryoso nga problema ang virus kag kinahanglan ini nga mapunggan bangod kon indi, publiko man sa gihapon ang kaluluoy.

Ginhatagan pagtamod sang Obispo ang hand hygiene, pagsuksuk sang facemask sa pampubliko nga lugar, pagsunod sa social distancing kag paglikaw sa mga pagtipon tipon , nga amo ang nagapanguna nga tikang agod mapunggan ang paglapta sang virus.

Gina hingyu ni Buzon sa publiko nga ilakip sa pagpangamuyo, suporta kag pagkilala ang mga frontliners .

Agosto 1 sang nag isyu sang advisory si Buzon sa tanan nga pari sa Diocese of Bacolod agod ilakip sa ila homily kada dominggo ang pagtalakay sa importansiya sa pagsunod sang health protocol kag pangamuyu-an ang mga pasyente sang COVID-19, mga opisyal sang gobiyerno kag Frontliners.

MORE STORIES:

LIKE US ON FB

error: Ooops... You are not authorized to copy this content.