BIÑAS: BULIG SANG SYUDAD DAKO NGA BULIG SA KAPULISAN

Share on facebook
Share on google
Share on pinterest
Share on twitter
Share on print

Ginpangabay ni officer-in-charge sang Bacolod City Police Office Director Senior Supt. Henry Biñas ang bulig sang Local Government Unit ukon LGU agud suportahan ang mga programa sang kapulisan sa Bacolod City Police Office ukon BCPO.

Plano ni Biñas nga magpakigkita kay Mayor Evelio Leonardia agud iplastar ang dugang nga mga kinahanglanon sang kapulisan.

Una diri ginpahayag sadto ni Vice Mayor El Cid Familliran nga kinahanglanon ang harmoniya sa tunga sang LGU kag BCPO agud mahapos ang suporta nga sarang mahatag sang syudad para sa kapulisan.

Suno pa kay Biñas nga daku ang mabulig sang LGU sa mga kinahanglanon sang kapulisan nga sadto na eksperyensiyahan sini sa iban nga lugar sa diin siya nadestino.

Sadto pa indi maayo ang relasyon sang LGU kag BCPO antis ginkakas si anay Acting Bacolod City Director Senior Supt. Francisco Ebreo. | Aksyon Eric Magbanua

MORE STORIES:

LIKE US ON FB

error: Ooops... You are not authorized to copy this content.