BILOG NGA PUROK SEASIDE, BRGY. TANGUB GIN PAIDALUM SA LOCKDOWN

Share on facebook
Share on google
Share on pinterest
Share on twitter
Share on print

Gin paidalum sa lockdown ang bug-os nga Purok Seaside, Brgy. Tangub, syudad sang Bacolod.

Sa interview sang Aksyon Firing Line, gin pahayag ni Punong Barangay Noli Villarosa, indi danay maka gwa ang mga residente nga yara sa Purok Seaside kag wala man sang may makasulod sa amo nga lugar.

Ini ang tikang nga gin himo ni Villarosa matapos nga gin pabalo siya sang otoridad nga may dugang nga nag positibo sa Covid-19 sa lugar.

Wala anay gin palayag ni Villarosa ang insakto nga numero sang nag dugang nga nag positibo sa lugar.

Suno kay Villarosa, bangud sini kapin 80 ka mga pamalay ang ma apektuhan sa lockdown.

Nag panugyan si Villarosa sa iya pumuluyo nga indi mag panic.

Madumduman, una sadto nga gin lockdown ang kapin 35 ka mga pamalay ukon 30 meter radius humalin sa balay sang utility worker sang General Services Office nga nag positibo sa Covid-19.

Sang Myerkules nga adlaw, gin pahayag ni City Administrator Em Ang nga ang utod kag ilo sang utility worker ang nag batyag sang sintomas sang Covid-19 kag yara gin isolate na sa isa ka hospital sa Bacolod. | Aksyon Dale Salazar

APAT KA MGA KARABAO PATAY MATAPOS NAIGO SANG KILAT SA BARANGAY BACONG, BAGO CITY

Patay ang apat ka mga karabao sang Pamilya Dellosa matapos naigo sang kilat sa Purok Kalubihan, Barangay Bacong, syudad sang Bago, Sabado, Mayo 8.

Sa interview sang Aksyon Radyo kay Carlo Dellosa, 18 anyos, ang apat ka karabao ang yara sa idalum sang kawayan sang natabo ang insidente.

Suno kay Dellosa, mga las 12 kaina sang udto sang nag ulan sa ila nga lugar, nag init, antes nga nag igo ang makusog nga kilat.

Nagapati si Dellosa nga naigo sang kilat ang apat nila karabao bangud nasunog ang pila ka bahin sang lawas sang sapat.

Nagakasubo ang Pamilya Dellosa sa nadangatan sang karabao nga nagabulig sa ila sa uma. | Aksyon Dale Salazar

TASK FORCE DISIPLINA MAGAPAHAMTANG MARKINGS KAG MAGA SCAN BAC-TRAC SA NAGAPILA SA COMELEC BACOLOD

Maga pahamtang sang markings para sa social distancing kag scanning sang BacTrac ang Task Force disiplina sa talatapan sang COMELEC umpisa sa Lunes, Mayo 10.

Suno kay Wilfredo Taba Geolingo Action Officer sang Task Force, tuyo sini nga mapunggan ang problema angut sa gina kabalak-an nga pagtaas sang kaso sang COVID 19.

Dugang pa ni Geolingo, mismo ang Malacañang nag mando sa tanan nga mga LGU sa pagpatuman sang hugot nga implementasyon sang amo nga regulasyon.

Gin klaro man sini nga magluwas sa Task Force disiplina, may yara man sang pila ka mga miyembro sang kapulisan nga maga bulig para sa amo nga kampanya. | Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.