BGEN RENE PAMUSPUSAN PAGABUSLAN NI BGEN ROLANDO MIRANDA BILANG PRO6 REGIONAL DIRECTOR

Share on facebook
Share on google
Share on pinterest
Share on twitter
Share on print

Magabiya na bilang Director sang Police Regional Office ukon PRO-6 si Brigadier General Rene Pamuspusan kag pagabuslan ni Brigadier General Rolando Miranda.

Suno kay Lt. Col. Joem Malong, Spokesperson sang PRO-6, umpisa Deciembre 01, 2020 pormal na nga maga-uyat si Miranda sang PRO-6.

Dugang ni Malong, si Miranda ang nagradwar sa Philippine Military Academy class 1990. 

Antis gin-assign sa PRO-6 ini siya halin sa Manila Police District kag nangin regional director man sadto sa PRO-18, Negros Island. 

Samtang, si Pamuspusan ang nakabaton sang order sadtong Noviembre 29 nga ini ang igasaylo sa Directorate for Plan sa National Head Quarters.

Nagserbi ini sa PRO-6 sa sulod sang isa ka tuig kag tunga. 

Patigayunon ang pormal nga turn-over of command sa December 2, 2020 las 3 sang hapon sa PRO-6 Head Quarters.

BARANGAY 18 MAY ARKILAHAN NGA LUGAR PARA TEMPORARY SHELTER SANG MGA WATCHER

Arkilahan sang Brgy. 18 council ang isa ka bakante nga lokal agud himuon nga temporary shelter para sa mga watchers sang mga pasyente sang Corazon Locsin Montelibano Memorial Regional Hospital (CLMMRH).

Ang arkilahan nga lugar ang nahamtang sa 2nd Cordova Road, Brgy. 18 syudad sang Bacolod kag may kadakuon nga 12×50 square meters.
Suno kay Kapitan Madeline Diaz sang Barangay 18, isa ka indi magpakilala nga indibidwal ang nagpakig-angut sa iya agud magbulig sa mga watchers pinaagi sa paghatag sang libre nga ilistaran.

Magapahamtang man sang 50 ka mga folding beds kag ulunan ang barangay agud indi na mabudlayan pa nga magpangita sang gamit ang mga watchers.

Dugang pa ni Diaz, wala labot sang bulig pinansyal magahatag man sang duha ka sako sang bugas ang nagdonar.

Nagalaum si Diaz nga magkooperar kag mangin responsable ang mga watchers. | Aksyon John Diaz

KAPIN 3K KA PAMILYA NGA GINLOCKDOWN SA BACOLOD, MAKABATON SANG AYUDA

Ginsumiter na sang Department of Social Services and Development ukon DSSD Bacolod sa DSWD Region 6 ang listahan sang mga pigado nga mga pamilya nga na apektuhan sang lockdown nga makabaton sang 6,000 nga ayuda sa idalum sang Bayanihan 2.

Ini nga mga pamalay ang ginlockdown ukon gin sealed off humalin Setyembre 11 tubtob Disyembre 29, 2020.

Suno kay Pacita Tero, pamuno sang DSSD, kapin 3,000 households ang benepisyaryo sang amo nga programa sa Bacolod.

Sa karon, nagahulat ang DSSD sang komunikasyon gikan sa Region 6 angut sa proseso kag schedule sang payout.

Samtang, gin pahayag ni Tero, nga may pila pa ka mga ‘waitlisted’ sa Bacolod ang ginapaabot nga magbaton sang 6,000 nga ayuda sa idalum sang Bayanihan 2. Ang waitlisted amo ang mga pigado nga pamilya pero wala nalakip sa first kag second tranche sang Social Amelioration Program. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.