BFP-BACOLOD, MAY PAHANUMDOM SA TION SANG FIESTA MINATAY

Share on facebook
Share on google
Share on pinterest
Share on twitter
Share on print
Bacolod City –  Nagapangabay ang pamunuan sang Bureau of Fire Protection ukon BFP-Bacolod sa mga pumuluyo nga mangin mabinantayon kontra sunog sa pagdumdum sang piesta minatay. 
Suno kay City Fire Marshall Chief Inspector Publio Ploteña, antes magpadulong sa mga patyo, dapat siguraduhon nga wala nagsiga ang kandila sa sulod sang balay. 
Nagpanugyan si Ploteña sa mga ginikanan nga ipalayo sa mga kabataan ang mga lighter kag kandila agud indi mahampangan kag malikawan ang sunog. 
Suno kay Ploteña, nagmando na ini sa mga BFP supervisor sang anum ka sub-stations sa syudad kag City kag Municipal Fire Marshall nga pasangkaron ang rekorida sa pag edukar sa mga pumuluyo sa mga pamaagi agud malikawan ang sunog. 
Si Ploteña sa karon ang temporaryo man nga naga pungko man bilang provincial fire marshall tubtob Nobiembre 9 kasunod nga may training sa luwas sang pungsod si Provincial Fire Marshall Pamela Rojane Candido.

PROVINCIAL ADMINISTRATOR: MAY MGA NEGRENSE SA GIHAPON NGA WALA NAGAPATI SA BENEPISYO SANG COVID-19 VACCINES

May mga Negrense sa gihapon nga wala  nagapati sa benepisyo  sang COVID-19 vaccines.

Ini ang ginpahayag ni Provincial Administrator Atty. Rayfrando Diaz II.

Suno kay Diaz, ini nga mga persona ang residente sang banwa ukon syudad  nga may manubo  nga turnout ukon compliance sa vaccination program.

Dugang pa ni Diaz,  may mga local government units (LGUs)  man nga nagatinguha agud makombinsir ang ila  mga pumuluyo  agud  magpabakuna,  sa diin iban sa mga ini ang ginahatagan pa sang ayuda  nga bugas ukon pagkaon.

Apang  ginklaro ni Diaz  nga wala man ginapilit sang gobyerno probinsiyal ang mga wala sang gana sa pagpabakuna.

Sa karon  ginatutukan sang probinsiya  ang mga lugar   nga may  maayo  nga resulta sa implementasyon sang vaccination program, agud malab-ot ang ginatarget nga herd immunity. | Aksyon Marlon Genovea

ISA PATAY, ISA PILASON MATAPOS NA AKSIDENTE ANG TRICYCLE SA SAGAY

Ginbawian sang kabuhi ang bana, samtang pilason ang asawa sa nagluntad nga aksidente sa Taytay Tan-ao, Purok Taklong, Barangay Bato, Syudad sang Sagay las 3 sang hapon, Myerkules.

Ang napatay ginkilala kay Llewelyn Datolayta, 56 anyos, samtang ang pilason nga asawa ginkilala kay Dory, 57 anyos tanan nagapuyo sa Barangay Maquiling, samtang ang driver nga truck ginkilala naman kay Roger Vergara, 47 anyos, nagapuyo naman sa Barangay Bato sa amo man nga Syudad. 

Sa inisyal nga imbestigasyon sang otoridad sa pagpanguna ni P/LCol Albert Sy, hepe sang Sagay PNP,  naglupok ang goma sa sidecar sang tricycle rasun nga indi na ini makontrol sang driver kag nagpadulong sa nasugata nga truck.

Nasangit sang truck ang tricycle nga ginmaneho sang napatay upod ang asawa nga ginabulong subong sa hospital.  

Gina-usisa pa sa otoridad ang impormasyon nga nag-wild ang karabaw nga karga sang tricycle rasun nga wala na makontrol kag nagbungo sa nasugata nga truck.

MORE STORIES:

LIKE US ON FB

error: Ooops... You are not authorized to copy this content.