BCPO NAG PAHANUMDOM SA MGA HOME OWNERS ASSOCIATION NGA MAG ALERTO SA POSIBLE MGA KAWATAN KARON NGA MAULANON NGA TIEMPO
Posted by:
News Desk
|
October 22, 2020
at
5:58 pm
Share on facebook
Share on pinterest
Share on twitter
Share on print
Liwat nga gin-abisohan ni Bacolod City Police Office Public Information Office Police Lt. Col. Ariel Pico ang mga home owners association sa mga subdivision nga mangin mag-alerto oras sa maulanon nga tyempo.
Paagi ini agod indi mangin biktima sang kawatan nga nagapanaka-saka sa mga puloy-an sa mga subdivision sa syudad.
Suno kay Pico oportunidad sang mga kawatan ang maulanon nga panahon agod indi makabatyag ang tag-iya sang puloy-an sa ila pagsulod.
Suno kay Pico dapat mataas ang perimeter fence sang mga subdivision kag may roving guard sa oras sang kagab-ihon kag kaagahon.
Suhestyon ni Pico dapat may coordination ang mga opisyal sang home owners sa mga barangay official para hingyoon ang bulig sang Barangay Tanod nga magpatrolya sa ila lugar.
Panugyan ni Pico sa publiko biente kwatro oras alerto kag gilayon magtawag sa police station kon may makita tawo nga makaduluda ang giho. | Aksyon Eric Magbanua
Kinse sa 18 ka mga manok sang pamilya Villasor ang nasapwan nga patay sa wala pa mahibaluan nga rason, sa likod sang ila balay sa Concepcion Village, Barangay Caduhaan, syudad sang Cadiz, Martes sang aga, Marso 19.
Suno kay Lovely Villasor, 26 anyos, bata sang tag-iya las 10:30 gab-i sang Marso 18, nag gwa siya sa ila balay kag gin pasulod sa kurong ang ila mga ido.
Dugang pa, las 11 sang nabatian sini nga naga-gahod ang mga manok rason nga ginpukaw niya ang iya amay apang wala nakabatyag.
Liwat sini gin pukaw ang iya amay mga las 11:30 sang nabatian nga naga ngurob ang ila ido kag pag lili niya sa bintana, gin-alegar nga nakakita sang isa ka babaye nga nakaitom, laba’ buhok kag nagapula ang mata.
Ginlili’ man sang iya amay apang wala sang may nakita rason nga ila lang gin-check sa CCTV kag nakita nga ara na sa dalom sang ginahulunan ang mga manok kag patay na.
Bangud sa kahadlok, wala sila nag gwa sa ila balay kag ginhulat tubtob las kwatro sang aga, Marso 19 didto kag nakita nga patay na ang ila mga manok, ang iban ang may mga kagat sa liog samtang ang iban ang wala na sang kasudlan.
Nag untat man ang record sang CCTV sa tion nga ginpangpatay ang ila mga manok.
Ginklaro sang pamilya nga ila ini gin-post sa social media para sa public awareness kag wala na sang iban pa.
REAKSYON SANG CITY VETERINARY OFFICE
Nagapati si Alex Bacomo, Officer-In-Charge sang Cadiz City Veterinary Office nga halo ukon ido ang may kahimuan kag nagpatay sa 15 ka mga manok sa Barangay Caduhaan syudad sang Cadiz.
Suno kay Bacomo, sa ila inisyal nga paglantaw sa mga litrato kag video, ang halo’ ang masami nagakaon sa kasudlan sang manok.
Dugang pa, madamo na sang amo nga kaso ilabi na sa mga manokan bangud indi makapalagyo ang manok tungod nahigtan.
Indi man ini kahimuan sang man-og bangud nabilin ang lawas sang mga manok.
Ginpanugyan ni Bacomo sa mga residente nga naga sagod sang manok nga magbutang sang tawo nga magabantay para mahibaluan kag makita kon sin-o ang may kahimuan.