“Koordinasyon” ang lyabe agod mapaiway ang misencounter sa mga law enforcement unit nga nagapatigayon sang operation.
Ini ang pahayag ni Bacolod City Police Office Deputy City Director for Operation Police Lt. Col. David Cachumbo Jr. kasunod sang natabo nga insidente sang nagtinirohay ang PDEA kag kapulisan sang QCPD matapos magpatigayon sang buy-bust operation sa Quezon City.
Patay ang duha ka pulis kag isa ka PDEA agent kag isa ka informant sa amo nga shootout.
Suno kay Cachumbo, malayo ini nga matabo sa syudad sang Bacolod ang natabo sa Quezon City bangod coordinated ang mga drug operation nga ginahimo sang kapulisan kag PDEA.
Suno kay Cachumbo mismo ang kapulisan nagapahibalo sa PDEA sa mga drug operation nga ginahimo bilang standard operating procedure ukon S.O.P.
Dugang pa ni Cachumbo nagakatabo kon kaisa ang misencounter kon wala sang proper coordination nga ginahimo ang operating unit sa concerned unit sa diin sila maga-operate.
Samtang, nagpanugyan si Negros Occidental Police Provincial Office ukon NOCPPO Director PCol Romy Palgue sa otoridad nga maghalong sa ginapatihan patigayon nga operasyon.
Suno kay Palgue, dapat nga indi pagkalipatan sang operatiba ang tatlo ka C ukon coordination, collaboration, cooperation, agud malikawan ang misencounter.
Dugang sang director, indi manami pamatian ang enkwentro nga isa lang ang tinutuyo.
Una sini, nagluntad ang gin-encounter sang Philippine Drug Enforcement Agency ukon PDEA kag Philippine National Police ukon PNP sa Ever Gotesco Mall sa Quezon City kag pagmapatay sang duha ka pulis kag may mga pilason. | Aksyon Eric Magbanua, Aksyon Bryan Morden
