BCPO GINA LANTAW NGA POSIBLE ANGUT SA ANTI-DRUG CAMPAIGN ANG PAG AMBUSH SA PULIS

Share on facebook
Share on google
Share on pinterest
Share on twitter
Share on print

Ginalantaw sang Bacolod City Police Office ang posibilidad nga may angot sa anti-drug campaign ang pag-ambush kay Police Staff Sgt. Miguel Perez nga nadestino sa legal office sang Negros Occidental Provincial Police Office.

Si Perez ang gin ambush sang wala pa makilala nga persona sang Dominggo sang aga sa Sofia-Gonzaga Avenue Camelot, Barangay Estefania syudad sang Bacolod sakay sa iya Toyota Wigo nga salakyan.

Si Perez ang nakaagom sang minor nga kapilasan kag padayon ginabulong sa hospital.

Suno kay Bacolod City Director Police Col. Henry Biñas, si Perez ang sadto nadestino sa Camp Crame kag kabahin sang anti-drug operatives.

Suno kay Biñas, planado ang natabo nga pag-ambush sa biktima gamit ang M-16 armalite riffle kag 9mm base man sa basiho kag bala nga narekober sa crime scene.

Bangod sini bangod ginapahalong ni Biñas ang iya kapulisan ilabi na nga nadestino sa drug operations.

Sa karon nagabinuligay kag NOCPPO kag BCPO sa inbestigasyon sa pag ambush kay Perez. | Aksyon Eric Magbanua

MORE STORIES:

LIKE US ON FB

error: Ooops... You are not authorized to copy this content.