BCPO DIRECTOR PLACIDO PLANO NGA BALIKAN ANG MGA KASO SANG PATYANAY ILABI NA ANG KAHIMUAN SANG RIDING-IN-TANDEM SUSPECTS

Share on facebook
Share on google
Share on pinterest
Share on twitter
Share on print

Ginapasiguro ni BCPO Director Col.Manuel Placido nga magatawhay ang syudad sang Bacolod sa idalom sang iya pagpamuno.

Palayag ni Placido, nagalaum ini nga indi na madugangan ang mga biktima sang pagpamatay sa syudad.

Suno kay Placido, plano sini nga i-backtrack ang mga nagliligad nga kaso sang patyanay ilabi na sang riding-in-tandem suspects sa syudad agud iya matun-an kag nagalaum nga mahatagan sang hustisya ang mga biktima.

Dugang pa ni Placido, dapat na ini matapos kag dapat nga mapamatbatan kag mapapanaugan sang penalidad ang mga suspetsado.

Samtang, indi pag i-tolerar ni Placido kon may yara gid man sang “bad cops” sa Bacolod sa pihak nga na diskubrihan sini nga kulang ang authorized strength sang BCPO para sa isa ka highly urbanized city.

Suno kay Placido, 43% gid lamang ang pwersa sang kapulisan rason nga isa sa pagpanghangkat sa iya pagpungko amo ang pag utilize sang personnel agud mapabilin sa gihapon ang peace and order kag mapatuman ang mga pagsulundan kag iban pa nga trabaho sang kapulisan.

Dugang pa ni Placido, isa man ini sa rason kon ngaa indi officers ukon mga Police Non-Commissioned Officers ang nagapamuno sa iban nga mga police station.

Palayag ni Placido, bangud sa ginapangatubang nga pandemya, indi lang paglagas sa mga persona nga may malain nga buluhaton ukon tuyo sa syudad ang ila ginahimo kundi pati man ang pag-track sa mga tawo nga mahimo apektado sang virus. | Aksyon Eden Aboso

MORE STORIES:

LIKE US ON FB

error: Ooops... You are not authorized to copy this content.