MENU

BCPO DIRECTOR PLACIDO IPABILIN ANG MGA MAAYO NGA PROGRAMA NI COL. BIÑAS

  • at 4:15 pm
Share on facebook
Share on pinterest
Share on twitter
Share on print

Nakita sang bag-o nga City Director sang Bacolod City Police Office nga si Col. Manuel Placido nga maayo ang mga proyekto kag sistema nga ginpatuman ni anay BCPO Director kag iya classmate nga si Col. Henry Binas.  

Una diri, luyag ni Placido nga i-pabilin ang mga programa nga nagahatag sang dako nga kontribusyon sa accomplishments sang kapulisan.  

Ika-duha amo ang pag-manage sang mga programa sang BCPO kag ika-tatlo amo ang pag-modify sang mga programa ukon proyekto nga kinahanglan pa i-improve.

Indi man prayoridad ni Placido sa karon ang reshuffling sang mga Chief of Police sa 10 ka estasyon sa idalom sang BCPO bangud nakita man sini nga dedikado sila sa ila trabaho kag away kontra Covid-19 ang dapat nga tutukan sa karon.

Pangabay ni Placido sa Bacolodnon nga mag kooperar sa gobyerno bangud para ini sa kaayuhan sang tanan.

Damlag lang, nag courtesy call si Placido kay Leonardia. | Aksyon Eden Aboso

What’s your Reaction?
+1
0
+1
0
+1
0
+1
0
+1
0
+1
0
+1
0

HABAL-HABAL DRIVER, GINBUNO-PATAY BANGUD SA UTANG

April 16, 2024

Patay ang isa ka habal-habal driver matapos ginbuno sang PWD nga iya gin-utangan sa Sitio Bunga, Brgy. Quentin Remo banwa sang Moises Padilla, Lunes sang hapon , Abril 15, 2024.

Ginkilala ang biktima nga si Albert Manigsasa, 29-anyos samtang ang suspek ginkilala nga si Epefanio Solano, 52-anyos, pareho nga mga residente sang nasambit nga lugar.

Suno kay Police Major Joevito Bose, Chief of Police sang Moises Padilla MPS, may hulam si Albert nga P100 pesos kay Epifanio agud ibakal sang gasolina kag makaligad ang pila ka adlaw nga wala nakabayad si Manigsasa ginsukot ini ni Epifanio apang nagpamalibad nga magbayad.

Palayag ni Bose, ginsumbag kag ginkagat ni Albert si Epifano kag ginpugos rason nga natumba ang mga ini sa duta.

Gilayon naman nga nagkuha sang patalom si Epifanio kag ginbuno si Albert sa paa.

Posible nga naigo ang mayor nga ugat sang biktima nga amo ang gintuna-an sang iya kamatayon.

Priso na man sa karon si Epifanio sa jail facility sang Moises Padilla MPS kag desidido ang pamilya nga magpasaka sang kaso nga homicide kon mag-abot na ang resulta sang post mortem examination.

What’s your Reaction?
+1
0
+1
0
+1
0
+1
0
+1
0
+1
0
+1
0

CLO, NAGSABAT SA NAGA KWESTYON SA MANOKAN COUNTRY REDEVELOPMENT PROJECT

April 16, 2024

Wala sang may nakit-an problema legal si Bacolod City Legal Officer Atty. Romeo Carlos Ting Jr. sa redevelopment project sang Manokan Country.

Nagpagwa sang apat ka pahina nga legal opinion si Ting matapos nga nagpadala sang reklamo si Roger Reyes, Vice President sang Task Force Kasanag, nga naga kwestyon sa legalidad sang lease agreeement sa tunga sang LGU kag SM Prime Holdings Inc.

Ginpahayag ni Ting, ang reklamo ang ginsumiter sa SM kag ini ang gintugyan sa LGU.

Ginpahayag ni Ting, legal ang 40 ka tuig nga pag renta sang SM sa Manokan nga kabahin sang public market sang LGU base man sa ordinansa kag wala man ini gin deklarar nga heritage site.

Ini matapos ginakwestyon sang tagreklamo nga tubtob lamang 25 ka tuig ang lease agreement para mangin constitutional.

Suno kay Ting, kon basehan ang layi, tubtob 90 ka tuig ginatugutan ang pag renta sang propedad sang gobyerno.

Ginpaathag pa ni Ting, ang chicken inasal amo ang gindeklarar nga cultural property sang syudad kag indi ang Manokan Country.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.