Maga-assign sang duha ka pulis si Acting Bacolod City Director Senior Supt Francisco Ebreo sa sulod sang Session Hall sang Sangguniang Panlungsod sang Bacolod bilang sabat sa pangabay ni Vice Mayor Elcid Familiaran matapos ang natabu nga komosyon sa tunga nanday Bacolod City Councilors Claudio Puentevilla kag Dindo Ramos samtang ginapatigayon ang regular session kahapon sang hapon. Suno kay Ebreo, ila ipatuman ang hugot nga seguridad sa adlaw sang regular session. Nahibaluan nga gintapungol ni Puentevella si Ramos bangud sa mainit nga debatehay angut sa pangabay paghatag authorization-to-sign kay Mayor Evelio Leonardia sa L-2 contract sa tunga sang IPM Construction Development Inc. kag syudad para sa Sanitary Landfill. Ginklaro ni Ebreo, kinahanglan may Community Police Center gid man sa palibot sang Bacolod City Governent Center kag may pulis nga madestino nga ang ila trabaho amo ang pagpatigayon sang crime prevention sa oras sang kagab-ihon.
BCPO MAGAPAHAMTANG PULIS SA SESSION HALL SG NGC
- Posted by: News Room
- | September 14, 2018
- at 12:40 am
6K KA BAG-O NGA PWD IDs NA ISYU NA SANG DSSD BACOLOD
Naglambot na sa 6 mil ka mga bag-o nga PWD IDs ang na release sang DSSD Bacolod pila ka adlaw ang nabilin antes ang deadline nga Abril 30, 2024.
Ginpahayag ni Alma Gustilo, officer-in-charge sang DSSD Bacolod, 8 mil ang populasyon sang mga PWDs sa Bacolod kag ginapangabay nga indi na paghulaton ang deadline sa pagkuha sang ID nga may QR Code para malikwan ang magdinaguso.
Suno kay Gustilo, ang PWD nga mabudlay ang sitwaston, ang pwede makigangut sa mga PWD association sa Barangay sa pag proseso sang ila nga ID.
Bukas ang Government Service Express sang LGU kag Bacolod Express Service Office sa Ayala Malls sa Sabado kag Dominggo nga adlaw.
Umpisa Mayo 1, 2024 indi na valid ang daan nga PWD ID sang Bacolodnon kon wala sang QR Code.
MOBILE PATROL UNIT GINKILALA MATAPOS NADAKPAN ANG SUSPEK SANG VANDALISM
Personal nga nabaton ni Mobile Patrol Unit Chief Police Lt. Col. Sherlock Gabana ang recognition kag singko mil pesos nga padya halin kay Bacolod City Director Police Col. Noel Aliño angot sa pagdakop nila sa Filipino-American nga si Jean Clifford Rabinowitz.
Si Rabinowitz ang nadakpan sa akto sang Mobile Patrol Unit nga naga-spray sa pader sang Burgos Street STI-WNU gamit ang canester spray paint.
Suno kay Bacolod City Director Police Col. Noel Aliño, batonon man sang Police Station 8 ang kinse mil pesos nga padya sa masunod nga semana sa pagdakop nila sa tatlo ka persona nga naga-spray sa pader sang Araneta Street Purok Kabulakan 2 Brgy. Singcang Airport, syudad sang Bacolod.
Suno kay Alin̈o, gintukod ang Task Force Vandalism sa pangabay sang LGU Bacolod agod ma-address ang problema sang vandalism sa syudad sang Bacolod.
Liwat nanawagan si Aliño sa publiko nga buligan ang kapulisan sa ila kampanya kontra vandalism.
MORE STORIES:
LIKE US ON FACEBOOK
