BAYAN -NEGROS NAG UPOD SA BACIWA UNION EMPLOYEES SA GIN PATIGAYUN NGA “ANTI-PRIVATIZATION” RALLY

Share on facebook
Share on google
Share on pinterest
Share on twitter
Share on print

Bacolod City – Nagpatigayon sang "Anti-privatization" rally ang Bayan-Negros kag Employees Union sang Bacolod City Water District ukon BACIWA, dala ang panawagan nga untaton ang plano nga i-privatized ang BACIWA.

 

Suno kay Bayan Negros Sec. Gen. Michael Dela Concepcion, dapat lamang ipagwa sang BACIWA kag ipakita sa mga kunsumidor ang ila joint venture proposal nga himu on pribado ang amo nga kumbuyahan.

 

Dugang pa ni Dela Concepcion, bangod lamang sa interest sang pila ka mga board of directors, posible madamo nga mga impleyado sang BACIWA ang maapektuhan kag madulaan sang trabaho kag may posibilidad pa nga masaka ang sukot sa tubig kung dayunon sini ang ila plano.

 

Bangod sini, nagpanawagan ang grupo sa panguluhan ni Atty. Juliana Carbon kag kay Mayor Evelio Leonardia nga tamdon ang ini nga problema kag tindugan ang kinamatarong sang mga pomuloyo kag ipabilin sa publiko ang pagpanag-iya sang amo nga kumbuyahan.

 

 

 

 

MORE STORIES:

LIKE US ON FB

error: Ooops... You are not authorized to copy this content.