BATA SANG FRONTLINER SA SAGAY, NAG POSITIBO SA COVID-19

Share on facebook
Share on google
Share on pinterest
Share on twitter
Share on print

Ginpaidalom sa 14 ka adlaw nga lockdown ang lugar sang 7 ka tuig nga bata nga lalaki nga nagpositibo sa Covid-19 sa syudad sang Sagay.

Sa Public health advisory nga gin-isyu ni Sagay City Mayor Alfredo Marañon III, iya ginpahayag nga ang nagpositibo amo ang bata sang frontliner kag may travel history sa syudad sang Bacolod.

Sila ang pareho nga gin RT-PCR swab tests sadtong Hulyo 10, kag Hulyo 15 sang magwa ang resulta sa diin nagnegatibo ang iloy apang nagpositibo naman ang bata.

Suno kay Marañon, nagpatigayon na sang contact tracing ang Sagay City Covid-19 Task Force sa mga naka close contacts sang bata, kag gindisinfect naman ang lugar nga ginpadulungan sini.

Ang pito ka tuig nga nagpositibo amo ang ika-14 nga Covid-19 confirmed cases sang Sagay , kag kalakip sa 37 ka mga nagpositibo sa Negros Occidental sadtong Hulyo 15, 2020 nga resulta nga ginpagwa sang Department of Health Western Visayas. | Aksyon Marlon Genovea

MORE STORIES:

ANU ANG IMO MA KOMENTO?