BATA SANG ALIGAR NOTORYUS NGA DRUG PERSONALITY SA BANWA SANG HINIGARAN ARESTADO SA BUY BUST OPERATION SA SYUDAD SANG BACOLOD!

Share on facebook
Share on google
Share on pinterest
Share on twitter
Share on print

Arestado ang duha ka mga lalaki sa buy bust operation nga ginpatigayon sang Regional Drug Enforcement Unit ukon RDEU-Negros sa dalan San Mateo, Villa Homes, Brgy Vista Alegre syudad sang Bacolod sini gid lamang nga hapon.

Ang subject sang operasyon ginkilala kay Jet Ramos, 36 anyos, tumandok sang Brgy Osmeña, banwa sang Hinigaran apang karun temporaryo nga nagapuyo sa lugar kun sa diin ginpatigayon ang drug operation.

Si Ramos bata sang alegar notoryus nga drug personality sa banwa sang Hinigaran nga si Jessie Ramos.

Suno kay Sr. Insp. Marc Joeil Reclamado, Team Leader sang RDEU-Negros, si Ramos ginakabig bilang Level 3 High Value Target.

Samtang, arestado man ang kaupod ni Ramos nga si Rizalde Sison matapos maaktuhan nga nagasuyop sang ginasuspetsuhan shabu sang ginpatigayon ang operasyon.

Narekober sa posisyon kag kontrol sang mga nadakpan ang duha ka bulto kag apat ka palaba nga sachet sang ginasuspetsuhan shabu tanan ginabulubanta nagabalor 170 mil ka pesos kag kwarta.

Priso karun ang mga nagkaladakpan sa custodial facility sang Police Station 7 kag natalana nga pasakaan sang nagakaigo nga kaso.

MORE STORIES:

ANU ANG IMO MA KOMENTO?