BARANGAY TREASURER GIN BALIK ANG 410K NGA KWARTA SA PHARMACY SA CADIZ

Share on facebook
Share on google
Share on pinterest
Share on twitter
Share on print

Malapit tunga sa milyon ka pesos ang ginbalik sang treasurer sang Barangay Andres Bonifacio, syudad sang Cadiz sa isa ka drug store matapos nga nagsala’ ang pharmacist sa ginhatag nga box.

Suno sa report nga nakuha ni Cadiz Correspondent Aksyon Roger Gutib, ginsugo ang treasurer nga ginkilala sa kay Celia Rose Meraiz nga magbakal sang isa ka box sang syringe para sa ila immunization activity sa health center apang, mahimo nga nagtalang sa ginkuha nga box ang pharmacist matapos nga pareho lamang nga box ang ginbutangan sang kwarta nga ibayad pa sa ahente sang bulong.

Sa adlaw na sang aktibidad, amo na lang ang ila kakibot matapos nga sa baylo nga syringe, bundle sang kwarta nga nagabalor sang 410, 500 pesos ang ila nakita.

Bangod sini, nakig angot ang Barangay sa police station kag ginpatawag man ang manager sang drugstore nga ginbaklan sang syringe agod mabalik ang kwarta.

Nagpasalamat naman ang manager sang drug store nga si Jeoffrey Cepeda matapos mabalik ang kwarta, nga sa ila paghangop yara lang sa ila ginbutangan. |via Aksyon Roger Gutib

SILAYNON, NAKUHAAN SANG 60K SANG SUSPECTED SHABU

Masobra 60 mil ka pesos nga balor sang ginasuapetsuhan shabu ang narekober sang kapulisan sa buy-bust operation sa prk. Maninihon, Brgy Guinhalaran, syudad sang Silay, Biernes sang gab-i.

Gin kilala ang nadakpan kay  Roland Rojo, 34 anyos residente sang amo nga lugar.

Suno kay P/Maj. Rollie Pondevilla, hepe sang Silay PNP, si Rojo ang nalista bilang street level individual, kag naaktuhan nga nagbaligya sang ginasuspetsuhan shabu sa pulis nga poseur buyer.

Narekober sa suspek ang 7 ka plastic sachets sang ginasuspetsuhan shabu, ginabulubanta 10 gramos ang kabug-aton nga nagabalor sang 68 mil ka pesos. Si Rojo ang priso karon sa Silay City custodial facility. | Aksyon Alvin Grava

LALAKI, PATAY SANG GINALEGAR NAGBATO SANG SERBEHAN WARRANT OF ARREST

Patay ang 51 anyos nga lalaki matapos gin alegar nagbatu sa otoridad sa Purok Santa Rita, Brgy. Dulao, syudad sang Bago, Biernes sang gab-i, Enero 22.

Ginkilala ang napatay nga si Emmanuel Sampane, 51, residente sang Purok Michelle, Brgy Dulao sa amo nga syudad. 

Suno kay Col. Roger James Brillantes, tagpamuno sang regional internal affair service, si Sampane ang wanted sa kaso murder, kag madugay na nga nagapanago.

Tuyo sang operatiba nga iserbi ang mandamiento de aresto nga gin-issue ni Judge Alejandro  Marquez sang RTC 4th Judicial Region, Br 79, Morong, Rizal napetsahan Agosto 25, 1998.

Dugang pa ni Brillantes, samtang nagapadulong sa lugar ang mga otoridad upod sa mga katapo sang Anti-Kidnapping Group gikan sa Kampo Crame, NOCPPO PIU,  BCPO CIU kag iban pa nga pulis gikan sa Bago City Police Station, hinali na lamang sila nga ginpalukpan rason nga nagbalos ang operatiba.

Narekober sa lugar sang insedente ang gin-alegar mga armas ni Sampane nga amo ang isa ka .45 caliber pistol, isa ka 9mm pistol nga may 1 ka magazine kag walo ka mga bala, isa ka .38 cal revolver nga may 6 live ammos, isa ka motorsiklo kag iban pa. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.