BARANGAY MINOYAN, MURCIA GINPAIDALOM SA ECQ

Share on facebook
Share on google
Share on pinterest
Share on twitter
Share on print

Ginpaidalom sa Enhanced Community Quarantine ang Barangay Minoyan, banwa sang Murcia kag extreme ECQ naman ang Purok New Site, ang lugar kon diin naga-istar ang nagpositibo sa COVID-19 nga 47 anyos nga lalaki.

Sa interview sa Aksyon Firing line, ginkumpirmar ni Murcia Mayor Gerry Rojas nga isa ka empleyado sang probinsiya ang nagpositibo partikular na sa pagdul-ong sa mga Locally Stranded Individuals ukon LSI kag nagpauli sa ila sadtong Hunyo 29.

Suno kay Rojas, ginkuhaan sang RT-PCR Test ang nasambit nga empleyado kag naggwa nga positibo sang Hulyo 3.

Dugang pa ni Rojas, gilayon naman nagpatigayon sang contact tracing ang local officials sang banwa kaupod ang Provincial Health Office personnel.

Ang 49 anyos nga nagpositibo asymptomatic ukon wala sang may ginbatyag nga sintomas sang COVID-19.

170K NGA GINAPATIHAN SHABU, NAREKOBER; SUSPEK, NAKAPALAGYO

Narekober ang 170,000 pesos nga balor sang ginasuspetsuhan shabu sa buy-bust operation sang Regional Drugs Enforcement Unit (RDEU)-6 sa Purok Kagaykay, Brgy. 2 syudad sang Bacolod.

Nakapalagyo ang subject sang operasyon nga si Romulo Hamatoc, 31 anyos samtang nadakpan ang nobya sini nga si Arielle Descutido, 21 anyos.

Si Hamatoc isa ka high-value individual sang probinsya samtang si Descutido naman ginakabig bilang newly identified drug personality.

Narekober sa buy bust operation ang walo ka mga plastic sachet sang ginasuspetsuhan shabu nga nagabug-at sang 25 gramos, kahita kag bag.

Priso karun si Descutido sa custodial facility sang Police Station 2 para sa nagakaigo nga disposisyon. | Aksyon John Diaz

MAG-LOLO PILASON MATAPOS NABUNGGUAN SANG MOTORSIKLO

Pilason ang mag-lolo matapos nabunggoan ang ila ginasakyan nga trisikol sang motorsiklo sa Economic Highway sakop sang Barangay Cabug syudad sang Bacolod, kagab-i, Dominggo.

Ginbunggo-an sang motorsiklo nga ginamaniho ni Rirzard Bionat, 31 anyos sang Deca Homes Barangay Cabug ang trisikol nga ginadala ni Elmer Delgado, 56 anyos sang Purok AC-Yulo Barangay Sum-ag syudad sang Bacolod.

Upod ni Delgado sa trisikol ang iya apo nga si Kheite Gerence Petalla nga naka-angkon sang minor injury.

Gindala sa Corazon Locsin Montelibano Memorial Regional Hospital si Delgado upod sang iya apo nga si Petallar.

Naka-angkon man sang pilaso si Bionat matapos matumba sa ginasakyan niya nga Honda Scooter.

Suno kay Police Corporal Roland Abong, traffic investigator sang Police Station 9 nakasangit sa likod sang trisikol ang motorsiklo ni Bionat rason sang aksidente. | Aksyon Eric Magbanua

MORE STORIES:

LIKE US ON FB

error: Ooops... You are not authorized to copy this content.