Temporaryo nga nag sira ang Barangay Hall sang Barangay 35 sa sulod sang lima ka adlaw para sa disinfection nga patigayunon umpisa Septembre 21 tubtob 25.
Suno kay Punong Barangay Ruben James Miranda, nag padala sila sang sulat sa DILG Bacolod kag Liga ng mga Barangay nga naga pabalo sa pag sira sang Barangay Hall.
Dugang pa sang Kapitan, ini nga tikang ang kabahin sang ila nga measures kontra Covid-19 kasunod nga ginatos ka mga tawo ang nag gwa sulod sa Barangay sang gin patigayon ang damlag lang Social Amelioration Program ukon SAP distribution.
Nag pasiguro si Miranda nga samtang sirado ang Barangay Hall maga panagtag sila sang food packs kag maga pabilin man ang peace and order sa Barangay.
Ang pumuluyo ang pwede mag nga maka padulong sa balay sang Kapitan para sa importante nga mga transaksyon kaangay sa pag pangayo sang certification, indigency kag iban pa.
Ang Barangay 35 may 12 total confirmed cases, 9 ka recovered kag tatlo ang active cases.
Gina lantaw ni Miranda nga apiesar nga residential ang ila nga Barangay, manubo ang ila nga Covid-19 cases bangud gilayon nga gina patuman ang sealed-off sang lugar sa tion nga may tawo nga nag taliwan apiesar nga wala pa nag gwa ang resulta sang swab test.| Aksyon Dale Salazar