BARANGAY 9 SA BACOLOD MAY DUGANG NGA 8 KA COVID-19 CASES

Share on facebook
Share on google
Share on pinterest
Share on twitter
Share on print

Gindul-ong na sa quarantine facility ang dugang pa nga walo ka mga persona gikan sa Barangay 9, syudad sang Bacolod matapos nagpositibo sa Covid-19.

Suno kay Kapitan Ronnie Serrano, nagpositibo sa Covid-19 swab test ang walo sa 14 ka persona ginapatihan may direkta nga kontak sa 62 anyos nga babayi nga city hall employee kag napatay tinalikdan nga semana.

Sa walo, lima diri mga babayi naga-edad 65, 47, 57, 31 kag 37 samtang ang mga lalaki naga-edad sang 40, 15 kag 8 ka tuig .

Sa kabilugan, may 11 na ang Covid-19 positive cases ang nalista sa amo nga Barangay.

Nagapanawagan sa karon si Serrano sa pumuluyo sang Barangay 9 nga likawan magwa sa ila tagsa ka mga puloy-an kung indi man importante agud malikaw sa local transmission dala sang Covid-19. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.