MENU

BANWA SANG TOBOSO COVID-FREE NA

  • at 5:40 pm
Share on facebook
Share on pinterest
Share on twitter
Share on print

Lubos ang pagpasalamat ni Mayor Richard Jaojoco nga nahilway na ang banwa sang Toboso sa Covid-19.

Sa mensahe sang alkalde sa iya official fb page, iya ginsiling nga nakarekober na ang 21 ka mga Covid-19 patients.

Wala man sang ginreport nga napatay nga positibo sa virus. Ang Toboso amo ang una nga lugar sa Negros Occidental nga nag-implementar sang lockdown umpisa Abril 5 tubtub Marso 30, 2020.

Sa sini nga sitwasyon, wala gintugutan ang sin-o man nga magsulod ukon mag-gwa sa municipal jurisdiction magluwas lamang sa mga cane truck, food , essential goods ,  medical kag health supplies. 

Sadtong Setyembre, nagpatigayon man sang relief operations ang banwa,  sa mga Toboseños nga nagatrabaho sa syudad sang Bacolod kag  naapektohan sa implementasyon sang Modified Enhanced Community Quarantine. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MOBILE PATROL UNIT GINKILALA MATAPOS NADAKPAN ANG SUSPEK SANG VANDALISM

April 25, 2024

Personal nga nabaton ni Mobile Patrol Unit Chief Police Lt. Col. Sherlock Gabana ang recognition kag singko mil pesos nga padya halin kay Bacolod City Director Police Col. Noel Aliño angot sa pagdakop nila sa Filipino-American nga si Jean Clifford Rabinowitz.

Si Rabinowitz ang nadakpan sa akto sang Mobile Patrol Unit nga naga-spray sa pader sang Burgos Street STI-WNU gamit ang canester spray paint.

Suno kay Bacolod City Director Police Col. Noel Aliño, batonon man sang Police Station 8 ang kinse mil pesos nga padya sa masunod nga semana sa pagdakop nila sa tatlo ka persona nga naga-spray sa pader sang Araneta Street Purok Kabulakan 2 Brgy. Singcang Airport, syudad sang Bacolod.

Suno kay Alin̈o, gintukod ang Task Force Vandalism sa pangabay sang LGU Bacolod agod ma-address ang problema sang vandalism sa syudad sang Bacolod.

Liwat nanawagan si Aliño sa publiko nga buligan ang kapulisan sa ila kampanya kontra vandalism.

What’s your Reaction?
+1
2
+1
0
+1
0
+1
0
+1
0
+1
0
+1
0

6K KA BAG-O NGA PWD IDs NA ISYU NA SANG DSSD BACOLOD

April 25, 2024

Naglambot na sa 6 mil ka mga bag-o nga PWD IDs ang na release sang DSSD Bacolod pila ka adlaw ang nabilin antes ang deadline nga Abril 30, 2024.

Ginpahayag ni Alma Gustilo, officer-in-charge sang DSSD Bacolod, 8 mil ang populasyon sang mga PWDs sa Bacolod kag ginapangabay nga indi na paghulaton ang deadline sa pagkuha sang ID nga may QR Code para malikwan ang magdinaguso.

Suno kay Gustilo, ang PWD nga mabudlay ang sitwaston, ang pwede makigangut sa mga PWD association sa Barangay sa pag proseso sang ila nga ID.

Bukas ang Government Service Express sang LGU kag Bacolod Express Service Office sa Ayala Malls sa Sabado kag Dominggo nga adlaw.

Umpisa Mayo 1, 2024 indi na valid ang daan nga PWD ID sang Bacolodnon kon wala sang QR Code.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.