BANGKAY SANG LALAKI NGA NASULOD SA SAKO NAKILALA NA

Share on facebook
Share on google
Share on pinterest
Share on twitter
Share on print

Nakilala na ang bangkay nga nasapwan nga nasulod sa sako sa bakante nga lote sang Purok Malipayon Barangay 35 syudad sang Bacolod kahapon nga adlaw, Setyembre 8.

Ang biktima ginkilala kay Joel Aviles Jr., 30 anyos kag pumuloyo sang Purok Tres Lampirong Magsungay Barangay Singcang-Airport, syudad sang Bacolod.

Nakilala si Aviles paagi sa iya tiya, pakaisa kag utod sang nagkadto ang mga ini kagab-i sa ABE funeral parlor.

Suno kay Police Major Jovil Sedel, hepe sang Police Station 1 ulihi nga naka-upod ni Aviles ang pakaisa sini sadtong martes sang kaagahon antes masapwan ang iya bangkay.

Suno kay Sedel may pilas ang ulo ni Aviles, black-eye sa mata kag ginkuga gamit ang kalat.

Paagi sa pamilya ginpangabay ni Sedel nga ipa-autopsy ang bangkay ni Aviles agod mahibaloan ang ginhalinan sang iya kamatayon.

Sa karon naga-coordinate si Sedel sa Police Station 8 sa pagkilala dugang kay Aviles.

MORE STORIES:

LIKE US ON FB

error: Ooops... You are not authorized to copy this content.