Nasapwan nga patay ang isa ka lalaki nga yara sa sulod sang kampo sang tubohan sa Had Nalipay, Sitio Galo, Barangay 5, banwa sang Isabela takna las 6 :30 kaina sang aga, Septembre 15.
Isa ka menor de edad ang una nakakita sa bangkay.
Ang biktima ang naka gapos ang kamot, ginputos sang tape ang nawong, wawa ang puwak, ginhigtan sang alambre ang liog sini kag may apat ka buno.
Suno kay PCapt. Joseph Partidas, hepe sang Isabela PNP, wala pa sang identity ang napatay, apang nakasusok ini sang shorts nga maong, wala sang pang-ibabaw nga panapton, may madamo sang tattoo sa lawas kag naga-edad sang 40 tubtob 50 anyos.
Dugang ni Partidas, basi sa ila imbestigasyon, wala man sang may nagparecord nga may nadula nga tawo sa bugo-os nga isabela tinalikdan nga mga inadlaw.
Padayon pa ang imbestigasyon sang otoridad kag nagapa-aksyon sila sa publiko nga may himata nga wala nakapa-uli, pwede sila makapakig-angut sa Isabela Police Station. | Aksyon Bryan Morden