BANGKAY SANG LALAKI NASAPWAN SA SILAY CITY

Share on facebook
Share on google
Share on pinterest
Share on twitter
Share on print

Nagakaagnas na sang nasapwan biyernes sang hapon ang bangkay sang mananagat sa Cabug Baybay, Brgy. Guinhalaran, syudad sang Silay.

Ang biktima ginkilala kay Joel Caro , 60 anyos nagapuyo sa amo nga lugar.

Suno kay P/Maj. Rollie Pondevilla, hepe sang Silay PNP, si Caro una gin-report nga nadula tinalikdan nga Martes (September 8, 2020) apang patay na sang nasapwan kahapon.

Ang bangkay ni Caro ang nahaya sa Manapla Funeral parlor sa amo nga syudad kag natalana nga igapaidalum sa autopsy para mahibaluan ang kabangdanan sang iya kamatayon. | Aksyon Alvin Grava

KASO ADMINISTRATIBO IPASAKA BATUK SA CANDONI POLICE NGA NAGPOSITIBO SA DROGA

Natalana nga ipasaka sa masunod nga simana ang kaso administratibo batok sa pulis nga Candoni nga nagpositibo sa illegal nga druga.

Suno kay Negros Occidental Police Provincial Office ukon NOCPPO Deputy Spokesperson PLt Abegael Donasco, ginhatagan liwat sang isa pagid ka simana ining corporal agud makapaathag sa iya bahin.

Dugang ni Donasco, tanan nga proseso ginpatuman sa iya, antis pana man mapasakaan sang kaso. Ining pulis gin-assign gilayon sa Regional Office sang PNP kag dis-armado.

Madumduman, naga-isahanon siya nagpositibo sa lima nga ginpa-idalum sa drug test sadtong Deciembre 2020. | Aksyon Bryan Morden

GOV LACSON NAGPAIDALUM SA SELF-ISOLATION

Nagpaidalom sa self-isolation si Governor Bong Lacson umpisa subong nga adlaw, kalakip ang 18 ka mga empleyado sang Department of the Interior and Local Government (DILG) Negros Occidental.

Ini matapos magpositibo sa COVID-19 ang isa ka DILG Iloilo employee, nga nagtambong sa Provincial Anti-Drug Abuse Summit sang Biyernes Enero 22.

Suno kay Provincial Administrator Atty. Rayfrando Diaz II, si Lacson kag 18 ka mga DILG employees ang natalana nga magpa swab test bwas nga adlaw.

Dugang pa ni Diaz, kinahanglan nga magpa self-isolate ang gobernador bangud siya ang isa sa mga naghatag sang certificate of appreciation sa empleyada nga nagpositibo sa COVID-19.

Kalakip sa magapakuha sang swab test amo si DILG Negros Occidental OIC Provincial Director, Roselyn Quintana.

Gintalana sang gobyerno probinsiyal ang Mambucal Mountain Resort sa Minoyan Murcia nga amo quarantine facility nga teneran sang mga ini, samtang nagahulat sa resulta sang swab test.

Ginklaro man ni Diaz nga isa man siya sa mga nakatambong sa amo nga summit, apang wala maka close contact sa nagpositibo nga DILG official nga makabig bilang Authorized Person Outside Residence (APOR).

Setyembre 4, 2020, si Lacson ang nagpaidalom man sa self-isolation matapos magpositibo sa COVID-19 ang utility worker assign sa Governor’s Office. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.