BANGKAY SANG LALAKI NASAPWAN NGA NAGA LUTAW SA PUNONG

Share on facebook
Share on pinterest
Share on twitter
Share on print

Nasapwan ang bangkay ni Pio Rico Jr. 54 anyos matapos nakita nga nagalutaw sa sulod sang punong sa Bangga Tap-ok, Barangay Enclaro, banwa sang Binalbagan kahapon nga adlaw, Septembre 18.

Sa inisyal nga pagpangusisa ni P/Maj. Fernando Somblingo Jr., sadtong Hwebes nga adlaw nakita pa ang biktima nga nag-inum upod sa manghod sini nga si Noel sa iya kamalig.

Nagapati man ang pamilya sang biktima sa posibilidad nga nalumos ang biktima bangod sa kahulogbon.

Ang bangkay ni Rico nahaya karon sa Soledad funeral Parlor kag igapaidalum sa postmortem examination. | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

TIYO, PATAY SANG GINTIRO SANG HINABLOS SA BARANGAY GRANADA

Patay ang 72 anyos nga tiyo matapos ginluthang sang iya hinablos sa Crossing Carmen, Barangay Granada, syudad sang Bacolod, Lunes sang gab-i, Marso 18, 2024.

Ang napatay ginkilala kay Rafael Cahina, napilasan man ang bata sini nga si Noel Cahina, 45 anyos samtang ang suspek ginkilala naman kay Jano Cahina, 35 anyos lunsay residente sang amo nga lugar.

Sa inisyal nga pagpangusisa ni PCapt. Portia Nillosan, hepe sang BCPO-Police station 5, ginaalegar ginsaway sang suspek ang iya tiyo matapos ginlawig sini ang iya karabaw sa duta sa Airsoft range nga ginabantayan sang suspek.

Ginpahayag man ni Nillosan, bangod man sa madugay nga dinumtanay, nagsabtanay pa ang magtiyo, rason nga nagkuha sang homemade shotgun si Jano Cahina kag ginluthang ang biktima.

Ginpahayag man ni Nillosan, nga ginhingagaw pa kon tani dala sa Corazon Locsin Montelibano Memorial Regional Hospital si Rafael apang gindeklarar nga dead on arrival basi sa deklarasyon ni Dr. Ellenfer Magbanua.

Ang biktima ang nakaangkon sang malubha nga pilas sa nawala nga bahin sang lawas samtang si Noel naman ang nakaangkon sang pilas sa nawala nga butkon.

Sa follow-up operation sang kapulisan, naaresto si Jano Cahina kag karon nahunong sa custodial facility sang Police Station 5 kag magapangatubang sang kaso nga Homicide.

What’s your Reaction?
+1
0
+1
0
+1
0
+1
0
+1
0
+1
0
+1
0

HIGH SCHOOL STUDENT, PATAY SANG NALAMPOS ANG ULO SA DUTA SANG SUBA

Patay ang isa ka menor de edad sang malumos sa suba nga sakop sang Hacienda Antolanga, Barangay Tinongan banwa sang Isabela la 1:30 sang hapon, Domingo (Marso 17).

Ang biktima naga-edad sang 16 anyos kag isa ka high schoold student.

Suno kay Police Captain Rjay Dangarang, hepe sang Isabela PNP, nagpaligo ang menor de edad upod ang apat ka iban pa niya nga kaupdanan sa Citizen Advancement Training (CAT) sa ila bolothoan.

Ginpahayag ni Dangarang nga naglumpat sa suba ang biktima kag mahimo nalampos ang iya ulo sa duta bangud nga manabaw lamang ang suba.

Ulihi na lamang nga natalupangdan sang iya mga kaupdanan nga wala na makabutwa ang biktima.

Gindala sa ospital ang biktima bilang kabahin sang proseso kag gindeklarar nga dead on arrival ni Dr. Lladen Espallardo.

What’s your Reaction?
+1
0
+1
0
+1
0
+1
0
+1
0
+1
0
+1
1

MORE STORIES:

LIKE US ON FACEBOOK

error: Ooops... You are not authorized to copy this content.