Patay na sang nasapwan si Raymart Moso, 23 anyos matapos nalumos sa Sitio Cagay, Brgy Langub, Syudad sang Escalante.
Sa inisyal nga pagpangusisa ni PMaj. Gil John Despi, si Moso ang una nga ginreport nga nadula las 7 sang gabi tinalikdan nga Domingo, (February 14, 2021), matapos nagtabok sa suba sang Sitio Napungalan , Brgy. Jonobjonob.
Ginapatihan nalumos si Moso matapos gin-anod sang mabaskog nga baha tuga sang pag-ulan.
Ang bangkay sang biktima ang nahaya sa Jaruda Funeral Homes, Brgy Balaintawak kag natalana nga igapaidalum sa Post Mortem Examination. | Aksyon Alvin Grava