Padayon nga ginapangita ang bana nga nagpatay sa iya asawa paagi sa pag laslas sa liog sa Purok 1, Brgy Yao Yao banwa sang Cauayan la 1 sang hapon sang Myerkules nga adlaw, Enero 13.
Suno kay Police Staff Sergeant Cyrus Maquiling, imbestigador sang kaso, ang biktima ang ginkilala kay Precilla Mendiona, 50 anyos, samtang ang suspetsado ang ginkilala kay Eduardo Mendionaz 58 anyos, tanan residente sg nasambit nga lugar.
Sa inisyal nga pagpangusisa, nagtrabaho si Precilla sa Manila para makapadala sang kwarta sa iya pamilya sa Cauayan kag para mapakay-o ang ila balay.
Suno kay Maquiling, Disyembre 19 sg nag-abot si Precilla kag nag umpisa ang ila pag inaway ni Eduardo bangud gin kwestyon sini kon diin nagakadto ang kwarta nga iya ginapadala bangud wala sang may nag bag-o sa ila balay.
Temporaryo nga nag istar si Precilla sa balay sang isa nila ka bata.
Palayag ni Maquiling, matapos nagtambong si Precilla sang seminar may kaangtanan sa national ID System nagligad nga Myerkules, nagkadto si Precilla sa ila balay kag liwat sila nag inaway sang iya nga bana tubtob nga natabo ang krimen.
Ginhingaw pa dala sa hospital ang biktima apang gindeklarar nga patay na. | Aksyon Eden Aboso