BANA NGA NAGPATAY SA IYA ASAWA, NADAKPAN NA

Share on facebook
Share on google
Share on pinterest
Share on twitter
Share on print
(Cauayan PNP Photo)

Nadakpan na ang bana nga suspek sa pag laslas sang liog sang iya nga asawa sa Purok 1, Brgy Yaoyao banwa sang Cauayan nagligad nga Myerkules.

Ginkilala ang suspek nga si Eduardo Mendiona, 58 anyos, kag ang biktima amo si Precilla Mendiona, 50 anyos.

Gin pahayag ni Police Major Lowell Garinganao, hepe sang Cauayan PNP, may residente nga nakakita sa suspek nga nagpanago sa nabukid nga bahin sang Barangay Yaoyao rason nga ila ini gin pabalo sa mga opisyal sang Barangay.

Kaina sang hapon, Hwebes nadakpan ang suspek nga isa ka anay Barangay Tanod.

Sa nahibaluan, ang biktima ang nag trabaho sa Manila kag nag pauli sang Disyembre 19.

Sa imbestigasyon sang kapulisan, naga pakita nga gina kwestyon sang biktima kon nga-a wala sang pagbag-o ang ila balay apiesar nga nagapadala man ini sang kwarta sa iya bana.

Suno kay Garinganao, handa nga mag pasaka sang kaso nga parricide ang pamilya batuk sa suspek.

SILAYNON, NAKUHAAN SANG 60K SANG SUSPECTED SHABU

Masobra 60 mil ka pesos nga balor sang ginasuapetsuhan shabu ang narekober sang kapulisan sa buy-bust operation sa prk. Maninihon, Brgy Guinhalaran, syudad sang Silay, Biernes sang gab-i.

Gin kilala ang nadakpan kay  Roland Rojo, 34 anyos residente sang amo nga lugar.

Suno kay P/Maj. Rollie Pondevilla, hepe sang Silay PNP, si Rojo ang nalista bilang street level individual, kag naaktuhan nga nagbaligya sang ginasuspetsuhan shabu sa pulis nga poseur buyer.

Narekober sa suspek ang 7 ka plastic sachets sang ginasuspetsuhan shabu, ginabulubanta 10 gramos ang kabug-aton nga nagabalor sang 68 mil ka pesos. Si Rojo ang priso karon sa Silay City custodial facility. | Aksyon Alvin Grava

28 KA LSI SA DSB, NEGATIBO SA COVID-19

Nag negatibo sa Covid-19 RT-PCR test ang 28 ka mga Locally Stranded Individuals (LSIs)  nga nagpauli sa  Don Salvador Benedicto Negros Occidental halin sa syudad sang Cebu.

Ini ang gin anunsiyo sang Municipal Inter-Agency Task Force COVID-19  sa  Don Salvador Benedicto  official facebook page paagi kay Mayor Marxlen Dela Cruz.

Bangud sini nagapabilin sa gihapon bilang Covid-19 free municipality ang DSB.

Sa record sang  DSB Local IATF  tubtob January 19, 2021, ang banwa ang may total confirmed cases nga 15 kag lunsay na nga naka rekober.

Ang pagka hilway sang DSB sa aktibo nga kaso sang Covid-19 ang napabilin sa sulod na sang kapin isa ka bulan. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.