BANA DISMAYADO MATAPOS NGA NAG BATA ANG IYA ASAWA NGA COVID-19 POSITIVE SA ISOLATION FACILITY SA BAGO CITY; QUARANTINE FACILITY MANAGER NAG PAATHAG SA INSIDENTE

Share on facebook
Share on google
Share on pinterest
Share on twitter
Share on print
(Contributed Photo)

Dismayado sa serbisyo sang mga healthcare worker sang syudad sang Bago ang mag-asawa nga Eugene Aurelio kag Muriel Aurelio, matapos si Eugene ang gin alegar nagpabata kay Muriel sa sulod sang Leonor dela Rama Elementary School, nga isa ka isolation facility sang syudad.

Ang mag asawa ang residente sang Barangay Balingasag, Bago City.

Sa pagsaysay ni Eugene, Oktubre 21 sang ginpaidalom sa swab testing si Muriel bangud ginarequire sa hospital nga magpaidalom sa swab test ang nagabusong antes magbata.

Oktubre 23 sang ginpabalo nga nagpositibo sa virus si Muriel rason nga ginsugat siya kag gindala sa isolation facility.

Dugang pa ni Eugene, suno kay Muriel, Dominggo sang hapon sang gin examine ini sang nurse kag nahibaluan nga ‘3cm’ na apang iya gin-alegar nga ginhambalan siya sang nurse nga i-refer sila sa pasilidad sa Cadiz bangud didto ginapabata ang mga nagpositibo sa Covid-19.

Bangud sa kabalaka, nagpadulong sa pasilidad si Eugene kag ginpaperma sang waiver para makasulod kag mabuligan ang iya asawa.

Las 8 sang gab-i sang gin-alegar nagapanawag kag nagapangayo sang tabang ang mag-asawa nga Aurelio apang wala sang may nagpalapit rason nga nangisog siya nga pabataon ang iya asawa.

Palayag ni Eugene, nakagwa na ang iya bata sang nag-abot ang midwife kag nurse agud utdon ang umbilical cord sang bata kag tinluan ang pasilidad.

Kahapon nga adlaw Lunes, ginhatagan sang pahanugot sang doctor ang mag-asawa nga magpauli sa ila puluy-an agud magpaidalom sa home quarantine.

Gin insister sang Quarantine Facility Manager sa syudad sang Bago nga wala sang pag pabaya’ sa ila healthcare workers sa natabo nga insidente.

Sa interview sa Aksyon Radyo Bacolod kaupod kay Aksyon Bryan Morden, ginpahayag ni Bago City Quarantine Facility Manager Nona Obando nga may yara man sang isyu sa bahin ni Muriel matapos nga gin alegar wala ini nagpahibalo sa nurse nga assign sa quarantine center nga gina sakitan na ini.

Suno kay Obando, may yara sang protocol ang mga hospital nga kinahanglan sang resulta sang swab test antes nga mag baton, rason nga ang Cadiz District Hospital ang referral hospital para sa mga naga busong.

Dugang pa ni Obando, ang midwife amo ang nag pabata kay Muriel magkatuhay sa claim sang bana nga siya ang nag pabata.

Ang midwife nga naka PPE suno kay Obando ang nag abot sang naga gwa na ang ulo sang bata.

Bangud sa natabo, ginpangabay na ni Obando ang assigned healthcare workers agod magpasa sang narrative report angot sa natabo. | Aksyon Eden Aboso, Aksyon Ann Defensor

MORE STORIES:

LIKE US ON FB

error: Ooops... You are not authorized to copy this content.